Հաճախորդներ են գործուղվում խորհրդարան. նպատակը հայտնի է
44-օրյա պատերազմի հանգամանքներն ուսումնասիրող քննիչ հանձնաժողովի կազմում Նիկոլ Փաշինյանը որոշել է սեփական օգտագործման ընդդիմադիրներին ներկայացնել, որոնք կապահովեն իշխանական էժանագին շոուն։ Եւ, այսպես, ըստ ամենայնի ներկայացված կլինեն արտախորհրդարանական երեք ուժեր ՝ Փաշինյանի փաստաբանը դարձած Նորայր Նորիկյանը, բունկերի տիրակալ Սամվել Բաբայանը եւ Դավիթ Սանասարյանը։ Նորայր Նորիկյանը չի հերքել այս տեղեկությունը՝ ասելով, որ իրենց ինչ-որ կազմ է ընտրել։
Ինչպես հայտնի է, Նիկոլ Փաշինյանն արդեն երկու անգամ հանդիպում է ունեցել արտախորհրդարանական ուժերի հետ և առաջարկել համագործակցել տարբեր ոլորտներում, այդ թվում` ներկայացվածություն ունենալ քննիչ հանձնաժողովի կազմում։ Մամուլում եղան հրապարակումներ, որ պատերազմի հարցերով քննիչ հանձնաժողովի կազմը ըստ օրենքի պաշտպանության մշտական հանձնաժողովի կազմն է եւ այլ անձինք իրավունք չունեն մասնակցել քննիչ հանձնաժողովի կազմում, եթե հրավիրյալ չեն, հետեւաբար Նիկոլ Փաշինյանի ցուցումով այդ հանձնաժողովը ամեն անգամ կհյուրընկալի Փաշինյանի հաճախորդներին։
Նորիկյանը ժամանակին խելքը գլխին փաստաբան էր, երբեմն-երբեմն Նիկոլ Փաշինյանին սուր քննադատության էր ենթարկում, բայց երբեւէ չէր անցնում կարմիր գծերը, քանի որ շրջապատում հասկացել էին, որ պաշտոնի ակնկալիք ունի։ Պատերազմից հետո ավելի ռադիկալ դարձավ, թերեւս գում էր իշխանափոխության հոտ եւ ուզում էր պատեհ պահին պատեհ նավում հայտնվել։ Երբ քաղաքական գործընթացները շարժվեցին արտահերթ ընտրությունների ուղղությամբ, փաշինյանը ձեւավորեց հաճախորդաց դասը ու Նորիկյանը կուսակցություն հիմնեց՝ մասնակցեց, բայց չհաղթահարեց անցողիկ շեմը։ Նախընտրական շրջանում նա խաղում էր երկու լարի վրա՝ մեկ Նիկոլ Փաշինյանին էր քլնգում, մեկ նախկիններին, կամ օրվա ընդդիմությանը, աշխատում էր պահել բալանսը, սակայն ընտրություններից հետո երբեմնի անաչառ փաստաբանը պատռեց դիմակը, ցույց տվեց իրական դեմքը, որ կապիտուլանտի աջակից էր՝ արյունոտ ու մեղսավոր։ Հավանաբար Փաշինյանը նրան որոշել է անգործ չողնել, հատուկ առաքելությամբ գործուղել հանձնաժողով, որ շարունակի հետընտրական գիծը՝ հարվածի ընդդիմությանն ու նախկիններին եւ մի քանի կոպեկ թուլափայ նետել նրա վրա։
Հաջորդը նիկոլահպատակ Սամվել Բաբայանն է, պատերամի օրերին բունկերի տիրուհի վարչապետի տիկին Աննա Հակոբյանի գլխավոր դաշնակիցը։ Թե ինչպես Արցախ ազատագրած գեներալը դարձավ Ալիեւի կոշիկը լիզողի գլխավոր դաշնակիցը եւ որն էր այդ ամենի գինը, մամուլում եւ մեր էջերում տասնյակ հրապարակումներ ենք ունեցել եւ կարիքը չկա թարմացնելու հիշողությունը։ Սամվել Բաբայանն անձամբ է մասնակիցը դարձել խայտառակ պարտության, Մովսես Հակոբյանը առաջինն էր, որ խոսեց Լելե Թեփեի ձախողված օպերացիայի մասին, որն անձամբ Սամվել Բաբայանն է ղեկավարել։ իհարկե, Բաբայանը մի քանի հարցազրույց տվեց , փորձեց արդարանալ, բայց հակասական մտքերից պարզ դարձավ, որ նա կատարում է կապիտուլանտի պատվերը։
Դե իսկ Դավիթ Սանասարյանի մասին խոսելը զավեշտի ժանրից է։ Քաղաքական զրո կապիտալ ունեցող երիտսորոսականի քաղաքական անփառունակ վախճանը կնքեց Նիկոլ Փաշինյանը՝ ՊՎԾ պետի պաշտոնից նրան խայտառակ կերպով դուրս թողնելով։
Անի Սահակյան
Հետևեք մեզ Viber-ում
