Նիկոլ Փաշինյանը պետք է ոչ միայն ներողություն խնդրի, այլև՝ շնորհակալություն հայտնի Սերժ Սարգսյանին

Այսօր լրատվական դաշտում տարածեց մի լուր, ըստ որի, ՀՀ երրորդ նախագահ Սերժ Սարգսյանը 2016 թվականի ապրիլի 6-ին Բեռլին կատարելիք պաշտոնական այցից առաջ` ապրիլի 5-ին մեկնել է Բադեն-Բադեն քաղաք:

Hayeli.am-ն այսօր կապ հաստատեց Աժ պատգամավոր Արտակ Դավթյանի հետ, և նա այս լուր որակեց որպես հերյուրանք:

Ինչպես պարզաբանեց՝ ներկայացվածը ուղղորդված հերթական բացարձակ զրպարտչական ապատեղեկատվությունն է և հավելեց, որ նախագահ Սարգսյանի այցը Գերմանիա մեկնարկել է ապրիլի 5-ի երեկոյան Բեռլինի օդանավակայանի ռազմական մաս ժամանմամբ։ Նա ևս ընդգրկված է եղել Գերմանիա մեկնած պատվիրակության կազմում, և այցելության ողջ ընթացքում ուղեկցել է Սերժ Սարգսյանին: «Միակ հանդիպումը, որին ես չեմ մասնակցել, եղել է Գերմանիայի կանցլեր Ա. Մերկելի հետ հանդիպումը»,- նշեց պատգամավորը՝ հավելելով, որ հենց այս հանդիպման ընթացքում է ձեռք բերվել պայմանավորվածություն, որպեսզի Մերկելը այցելի Հայաստան, որն էլ տեղի ունեցավ իշխանափոխությունից հետո, երբ արդեն վարչապետ էր Նիկոլ Փաշինյանը, որն էլ այդ այցելությունն օգտագորցեց որպես սեփական թիմի փիառ:

Ըստ Դավթյանի, եթե Նիկոլ Փաշինյանը մի փոքր պարկեշտություն ունենար, ապա շնորհակալություն կհայտներ Սերժ Սարգսյանին նման հանդիպման համար: Այնուհետև նա հավելեց, որ ամենևին էլ պետք չէ զարմանալ իշխանության նման ստոր քայլից, քանի որ նրանք այս կերպ ցանկացան լռեցնել այն աղմուկը, որը բարձրացավ իրենց թիմի անձանց այցելությունից հետո, երբ խնջույքներ էին կազմակերպել Հունաստանում: