Արփինե Հովհաննիսյանը եվրոպացիներին ներկայացրել է Հայաստանում կոռուպցիայի դեմ պայքարը և խոսել ԵԽԽՎ-ում դրա անհրաժեշտության մասին
ՀՀ ԱԺ փոխնախագահ, ԵԽԽՎ -ում ՀՀ ԱԺ պավիրակության ղեկավար Արփինե Հովհաննիսյաը ԵԽԽՎ նիստում «Կառավարման ոլորտում անաչառության խթանումը որպես քաղաքական կոռուպցիայի դեմ պայքար» հարցի քննարկման ժամանակ ԵԺԿ խմբի անունից ելույթ է ունեցել և խոսել եվրոպական կառույցում կոռուպցիայի դեմ պայքարի անհրաժեշտությունից։
Նա մասնավորապես, իր ելույթում ասել է. «Ինչպես Ջո Բայդենը մեկ անգամ նշել է «Կոռուպցիայի դեմ պայքարը միայն լավ կառավարումը չէ: Դա ինքնապաշտպանություն է: Դա հայրենասիրություն է»:
Զեկուցողն արդարացիորեն նշել է իր զեկույցում, որ կոռուպցիայի դեմ պայքարում կարևոր առանձնահատկություններից է քաղաքական և մշակութային այնպիսի միջավայր խթանելը, որը կնպաստի կոռուպցիային դիմակայող հասարակության կայացմանը: Իրականում, եթե մենք դիտարկենք միջազգային համաձայնագրերը՝ Ջակարտայի սկզբունքներից մինչը ՄԱԿ-ի ‹‹Կոռուպցիայի դեմ պայքայի կոնվենցիան››, ապա կտեսնենք, որ կոռուպցիայի դեմ պայքարում առկա է 3 բաղադրիչ. կրթություն, կանխարգելում և պայքար: Իրականում մենք պետք է սկսենք հենց թիրախավորված կրթությունից և շարունակենք այդ ուղին:
Օգտվելով ընձեռնված հնարավորությունից՝ կցանկանայի կիսվել ձեզ հետ իմ երկրում կատարված մի շարք կարևոր զարգացումներով՝ ուղղված այս խնդրին: Երկու շաբաթ առաջ մենք ստեղծեցինք կոռուպցիայի կանխարգելման անկախ և ինքնավար հանձնաժողով: Առաջին անգամ նախատեսեցինք ազդարարաների պաշտպանության մեխանիզմներ, որոնք լիովին համապատասխանում են Վեհաժողովի որոշումներին: Նախատեսվում է ստեղծել մեկ միասնական էլեկտրոնային հարթակ, որը հնարավորություն կտա ազդարարներին անանուն կերպով հաղորդում ներկայացնել հանցագործությունների վերաբերյալ:
Մենք ավելացրել ենք այն բարձրաստիճան պաշտոնատար անձանց քանակը, ովքեր գույքի, եկամուտների և դրամական միջոցների վերաբերյալ հայտարարագրեր ներկայացնելու պարտավորություն ունեն: Ավելին, քրեականացվել է ապօրինի հարստացումը և կանխիկ գործառնությունները սահմանափակվել են: Նման առաջադիմական կագրավորումների ցանկը կարելի է շարունակել:
Հարգելի գործընկերներ,
Այս դահլիճում կոռուպցիայի մասին խոսելիս անհնար է չանդրադառնալ այն կոռուպցիոն սկանդալներին, որոնք առնչվում են այս Վեհաժողովի մի շարք անդամների անունների հետ:
Դժբախտաբար, կոռուպցիան այլևս միայն գաղափար կամ թեմա չէ, այլ այն ունի դեմք, այն ունի իր հասցեատերերը: Ցավոք սրտի, մենք լուրջ չէինք վերաբերում այդ երևույթին և դիտարկում էինք միայն որպես բամբասանք, որպես հնարավոր ճնշում մեր կարծիքի վրա, երբ խոսում էինք դրա մասին:
Բայց փաստը մնում է այն, որ մենք այժմ դրա մասին խոսում ենք բացեիբաց` ի հակադրություն մի քանի տարի առաջ գոյություն ունեցող իրողության, երբ շատ զգուշավորությամբ կամ վերապահումներով էինք խոսում դրա մասին: Ես չեմ ուզում ընդունել, որ այնպիսի խնդիրներ, ինչպիսիք կոռուպցիոն սկանդալներն են, կարող են ստվերել այն արժեքները, որ մենք կրում ենք:
Անկասկած է, որ այստեղ յուրաքանչյուրը ներկայացնում է իր երկրի շահը, բայց ես հավատում եմ, որ մենք բոլորս այստեղ ենք պատվիրակվել ոչ միայն պաշտպանելու մեր ազգային շահերը, այլև մենք ունենք մեկ ընդհանուր առաքելություն, սերնդափոխության առաքելություն: Մենք այս Վեհհաժողովում ենք այն անկյունքարային արժեքների շարունակականությունը ապահովելու համար, որոնք հաստատվել են Վեհաժողովի հիմնադրումից՝ 1949 թվականից ի վեր: Ի՞նչ ենք մենք փոխանցելու մեր սերունդներին: Հուսով եմ ՝ ոչ կաշառելու և այդ կերպ հարցեր լուծելու սկզբունքն ու ընթացակարգերը:
Հարգարժան գործընկերներ,
Այսօրվա քննարկումը այն բանի վկայությունն էր, որ մեր մեծամասնության դիրքորոշումն է` պահել մեր հիմնական արժեքները և այս օրրանը սկզբնական տեսքով:
Այդ իսկ պատճառով մենք շատ կարևորում և ողջունում ենք երեկ կոռուպցիոն սկանդալների հարցով հետաքննության մարմնի ստեղծումը»:
Հետևեք մեզ Viber-ում
