Գալուստ Սահակյան. Զարմանում եմ Սեյրան Օհանյանի վրա

«Հրապարակ»-ը զրուցել է ԱԺ նախկին նախագահ, պատգամավոր Գալուստ Սահակյանի հետ: - Ասում են՝ ցանկացած իշխանություն արժանի է իր ընդդիմությանը, և հակառակը, չե՞ք կարծում, որ իշխանություն չկա, որ ընդդիմություն լինի։ - Չեմ կարծում, որ էդ տրամաբանությամբ պետք է գնա։ Ժամանակին մենք ինքներս ընդդիմություն ենք եղել, մենք էսպես չենք եղել, որ քաղաքական մեզ հետապնդեցին, բռնեցին, դատեցին, վատ պայմաններ առաջարկեցին, մենք ընդամենը գնացել ենք պայքարի և պայքարել ենք ու եկել իշխանափոխության։ Նորից կրկնեմ ձեզ մնացած բոլոր խոսքերը՝ մենք ամենալավը չենք, բայց եթե մեզնից ավելի լավերը կառաջանան, նրանք կգան իշխանություն, այսօր մեզնից լավերը չկան։ - Պաշտոնաթող նախարար Սեյրան Օհանյանը «Ժառանգության» համագումարի ժամանակ ևս խիստ քննադատեց իշխանություններին, ընտրությունները, խորհրդարանը ոչ լեգիտիմ որակեց։ Ինչպե՞ս եք ընդունել Ձեր նախկին նախարարի քննադատությունները։ - Սեյրան Օհանյանի հայտարարությունները չեմ լսել։ Եթե մեկ անգամ կարողանայի հանդիպել Սեյրան Օհանյանին, ինձ համար անակնկալ էր նրա գործողություններն ընդհանրապես, կճշտեի։ - Իսկ ի՞նչն է խանգարում հանդիպել, պաշտպանության նախարարն էր, ժամանակին ՀՀԿ-ն նրա թիկունքն էր պահում։ - Իհարկե, եթե հանդիպենք, այդ հանդիպումը շատ էլ լավ կլինի, բայց էդ հանդիպման շարժառիթը դեռ չի եղել։ Ես զարմանում եմ Սեյրան Օհանյանի վրա, որովհետև քաղաքական ամենամեծադիր պաշտոններ ունեցող մարդը, երբ կկարողանա ներսից ամեն ինչ անել... բոլորին թվում է, որ մենք էլ իշխանության մեջ ենք ու մտածում ենք, որ մեր իշխանությունն ամեն ինչ կարողացել է անել՝ ո՛չ, այդպես չէ, մենք էլ ենք տեսնում թերություններ, մենք էլ ենք մեկս մյուսի հետ վիճում, մենք էլ ենք զբաղվում հետագա գործունեությամբ, սա է իսկական քաղաքական կյանքը։ Հարցազրույցն ամբողջությամբ՝ թերթի այսօրվա համարում: