Հայփոստը սեպտեմբերի 9-ից՝ ժամը 16:00-ից սկսած, ժամանակավորապես չի վճարում կանխիկ եղանակով կենսաթոշակի և մինչև 2 տարեկան երեխայի խնամքի նպաստի վճարումները, քանի որ չի ստացել բավարար չափով դրամական միջոցներ ՀՀ աշխատանքի և սոցիալական հարցերի նախարարության միասնական սոցիալական ծառայության կողմից: Այս մասին նշվում է Հայփոստի տարածած հայտարարության մեջ:
«Ֆինանսավորումը ստանալուն պես վճարումներն անմիջապես կվերսկսվեն: Հայցում ենք ձեր ներողամտությունը»,- նշված է հայտարարությունում: Սովորաբար կենսաթոշակներն ու նպաստները վճարվում են մինչև տվյալ ամսվա 5-ը։ Եթե այս անգամ նախարարությունը փոխանցումները չի կատարել, կնշանակի բյուջեում միջոցների անբավարարության խնդիր կա։ Ըստ ամենայնի պետական գանձարանը դատարկ է․ պողպատե մանդատը փաստորեն բավարար չէ տնտեսություն զարգացնելու բյուջետային մուտքեր ապահովելու, թոշակ ու նպաստ վճարելու համար։ ՀՀ աշխատանքի և սոցիալական հարցերի նախարարի խոսնակ Զառա Մանուչարյանը ԶԼՄ-ներին հայտնել է, որ կենսաթոշակների և մինչև երկու տարեկան երեխայի խնամքի նպաստի վճարում կատարելու նպատակով Հայփոստն ու բանկերը սեպտեմբեր ամսին ֆինանսավորվել են վճարման ենթակա գումարի ավելի քան 97%-ով։ Նա նաև վստահեցրել է, թե վճարման գործընթացը կամբողջացվի առաջիկա օրերին, իսկ առաջացած խնդիրը տեխնիկական է․ «Ֆինանսավորումը նախատեսված էր, բայց լրացուցիչ բաշխման անհրաժեշտություն է առաջացել, որն իրականացնելու համար մեկ-երկու օր է պահանջվելու»,- ասել է նա։
Ավելի ուշ ֆբ գրառմամբ խնդրին անդրադարձել է նաև Աշխատանքի և սոցիալական հարցերի փոխնախարար Դավիթ Խաչատրյանը․ «Պետական կենսաթոշակների և մինչև 2 տարեկան երեխայի խնամքի նպաստի վճարում կատարելու նպատակով «Հայփոստը» և բանկերը սեպտեմբեր ամսին ֆինանսավորվել են վճարման ենթակա գումարի ավելի քան 97%-ով: Վճարման գործընթացը կամբողջացվի առաջիկա օրերի ընթացքում․ հայցում ենք ձեր ներողամտությունը պատճառված անհարմարության համար»,- գրել է նա։
Նման պատճառաբանությունը չի կարելի լուրջ համարել, քանի որ պետական ֆինանսաների համակարգը վաղուց ավտոմատցված է։ Այսինքն՝ ամեն ամիս նույն մեխանիզմով գումարը ֆինանսների նախարարության գանձապետարանի միասնական հաշվեհամարից փոխանցվում է բանկերին և Հայփոստին՝ ըստ ՀՀ աշխատանքի և սոցիալական հարցերի նախարարության ներկայացրած հայտի։ Առևտրային բանկերն ու Հայփոստն էլ կատարում է թոշակառուների և նպաստառուների վճարումները։ Սեպտեմբեր ամիսը ֆինանսական տարվա սկիզբ չէ, ըստ էության նախորդ ամսվա տվյալները պետք է ավտոմատ ներմուծվեին համակարգ։ Եթե դա անգամ չեն կարողացել անել, կնշանակի գործ ունենք տոտալ բարդակի ու ոչ պրոֆեսիոնալ թիմի հետ։ Բայց եթե հաշվի առնենք, որ պետությունը կրճատում է նաև առողջապահության համակարգի պետական պատվերը, և այդ մասին արդեն հայտարարվել է պաշտոնապես, կնշանակի խնդիրն իսկապես բյուջեի միջոցների հետ է կապված։
Դեկտեմբերի 5-ին՝ ժամը 12։30-ին, Հայելի ակումբի հյուրն է Գյուլնարա Ալեքսանյանը
Դեկտեմբերի 5-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Դեկտեմբերի 5-ին՝ ժամը 15։00-ին, Հայելի ակումբի հյուրն է Գագիկ Մինասյանը
Դեկտեմբերի 5-ին՝ ժամը 14։00-ին, Հայելի ակումբի հյուրն է ՀՀԿ-ից Կարապետ Պողոսյանը
Դեկտեմբերի 4-ին՝ ժամը 11։30-ին, Հայելի ակումբի հյուրն է Նարե Սոսեն
Դեկտեմբերի 4-ին՝ ժամը 16։30-ին, Հայելի ակումբի հյուրն է Մայր Հայաստանից Դերենիկ Մալխասյանը
Դեկտեմբերի 4-ին՝ ժամը 15։30-ին, Հայելի ակումբի հյուրն է Թաթուլ Պետրոսյանը
Դեկտեմբերի 4-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Դեկտեմբերի 4-ին՝ ժամը 15։00-ին, Հայելի ակումբի հյուրն է Ժասմինա Ղևոնդյանը
Դեկտեմբերի 3-ին՝ ժամը 14։00-ին, Հայելի ակումբի հյուրն է Մայր Հայաստանից Արմեն Դանիելյանը
Հետևեք մեզ Viber-ում
