«Ալեքս տեքստիլ»-ում ստուգումներ կսկսվեն
ՊԵԿ-ն ամենօրյա աշխատանք է տանում, որպեսզի Հայաստանի տնտեսվարողների մեջ արտոնյալներ չլինեն,ԱԺ-ում նման հայտարարություն արեց ՊԵԿ նախագահ Վարդան Հարությունյանը՝ նշելով, որ պետական բյուջեի 2016 թվականի կատարողականի թվերը փաստում են, որ դրական միտում կա այդ գործընթացում: «Քեթրին գրուպ» ընկերությունում շաբաթներ առաջ կատարված հարկային ստուգմանն ասաց. ««Քեթրին գրուպ»-ը տնտեսվարող սուբյեկտ է, որտեղ կարող է առաջանալ ցանկացած խնդիր, ինչպես բոլոր տնտեսվարող սուբյեկտներում: Այդ տեսանկյունից, եթե մենք ունենք որոշակի ռիսկեր որեւէ մի ընկերությունում, բնական է, որ պետք է ստուգվեն»: «Ալեքստ տեքստիլ»-ի աշխատակիցների թվի վերաբերյալ մամուլում տեղ գտած հրապարակմանը, ասաց, որ ՊԵԿ լրատվականն արձագանքել է դրան: «Որեւէ երկրում ստվերը 100 տոկոսանոց վերացված չի, ուղղակի մենք ամեն օր պետք է հետեւողական պայքար տանենք դրա դեմ: Եթե ձեզ հետաքրքրում է կոնկրետ «Ալեքս տեքստիլ»-ը, բոլորն ենք ստուգելու, մի ֆիքվսեք մի սուբյեկտի, մի ձեռնարկության վրա: Եթե դուք կոնկրետ փաստ ունեք… շնորհակալություն, որ դուք այդ փաստը հրապարակեցիք , ես ձեզ հավաստիացնում եմ, որ արագ կարձագանքենք դրան»,- վստահ հայտարարեց Վարդան Հարությունյանը:
Հետևեք մեզ Viber-ում
