Ֆիրդուսի բնակիչների ճակատագիրը
Այսօր ԱԺ մշտական հանձնաժողովների համատեղ նիստում 2016 թ. պետբյուջեի կատարողականի քննարկումների ժամանակ Քաղաքաշինական պետական կոմիտեի նախագահ Նարեկ Սարգսյանը հայտարարեց, որ Երևանի 33-րդ թաղամասում լայնածավալ շինարարություն է կատարվելու: Ֆիրդուսի բնակիչները, որ մնացել են մոտ 20 ընտանիքներ, բնակարաններ կստանան այլ թաղամասերում: «Ժողովուրդն ասում ա՝ ամեն մեկն իրա հարսին թանկ ա ծախում, ամեն մարդ իր բնակարանը թանկ է գնահատում, բայց գնահատողը մենք չենք, անկախ շուկայում գործող լիցենզավորված կազմակերպությունն է: Չեն մնա անտուն»,- ասաց նա: Ն.Սարգսյանի խոսքով` քաղաքաշինության նախարարությունը մշակել էր այդ տարածքի ամբողջ կառուցապատման նախագիծը, որով առաջարկվում է 3 փողոցներ՝ Խանջյանից, Տիգրան Մեծից և Բյուզանդից և մեկ մեծ հրապարակ:
Հետևեք մեզ Viber-ում
