Սամվել Ալեքսանյանի հարազատների պատճառով մարդիկ հեռանում են աշխատանքից
«Իրատես» օրաթերթը գրում է. «Պատգամավոր Սամվել Ալեքսանյանը շատ «ինքնատիպ» վերաբերմունք ունի իր սեփական բիզնեսներում մասնագիտական ներդրումներ ունեցող աշխատողների հանդեպ: Նրա բիզնեսներից մեկի` «Ալեքս տեքստիլի» կայացման գործում մեծ ներդրում է ունեցել լիբանանահայ մի մասնագետ, որը հետագայում ստիպված հեռացել է աշխատանքից, քանի որ նյարդերը չեն դիմացել: Հիշեցնենք, որ այս բիզնեսը հանձնվել է օլիգարխի աղջկա կառավարմանը: Մեր տեղեկություններով, թեև բիզնեսը տնօրինում է Աստղիկ Ալեքսանյանը, սակայն մեծահարուստի քույրերն ու մյուս հարազատները սեփական վերահսկողությունն են սահմանել աշխատողների վրա և թույլ չեն տալիս մասնագետ-դիզայներներին ստեղծագործաբար վերաբերվել աշխատանքին: Վերջիններս էլ ստիպված թողնում-հեռանում են: «Victoria’s Secret»-ից լավ արտադրանք ենք տալիս, էլ ի՞նչ են ուզում»,- դժգոհում են աշխատակիցները»: Մանրամասները՝ «Իրատես» թերթի այսօրվա համարում:
Հետևեք մեզ Viber-ում
