Գնահատականները բավականաչափ սուր էին. Վաչե Գաբրիելյան

Ազգային ժողովում լրագրողների հետ զրույցում ՀՀ միջազգային տնտեսական ինտեգրման և բարեփոխումների նախարար, փոխվարչապետ Վաչե Գաբրիելյանը նշել է, որ Հայաստանի կառավարությունը երկրում առկա խնդիրների հստակ ախտորոշում է իրականացրել և ծրագրով ներկայացրել է, թե ինչ քայլեր են արվելու դրանց լուծման ուղղությամբ: «Նույն բիզնեսի վերաբերյալ տրված գնահատականները կառավարության կողմից բավականաչափ սուր էին: Կառավարության ծրագիրը հստակ ունի հենց այդ տրամաբանությունը՝ նկարագրում է խոչընդոտը, որ կա և ասում է, թե ինչ ենք անելու»,- ասել է Գաբրիելյանը: Փոխվարչապետը նշել է, որ կառավարության ծրագրում հստակ ներկայացված են նաև այդ ոլորտներում իրականացվելիք բարեփոխումները: