Իշխանությունը բենզինի շուկայում ուզում է մենաշնորհ ձևավորել

Էկոնոմիկայի նախարար Վահան Քերոբյանը հայտարարել է, որ վրացական կազմակերպության կողմից հետաքրքրություն կա հայաստանյան վառելիքի շուկայի նկատմամբ: Նրա խոսքերով՝ իրականացվելու է 60 միլիոն դոլարի ներդրում և ստեղծվելու է բենզալցակայանների ցանց: Վրացական այդ կազմակերպությունը «Petrocas Energy Group»-ն է:
Ուշագրավն այն է, որ «Petrocas Energy Group»-ը հանդիսանում է ադրբեջանական պետական նավթայանին ընկերության՝ «Socar»-ի, գործընկերը: Այսինքն փաստացի հենց «Socar»-ին է ուզում բենզինի շուկայում գերիշխող, իսկ ավելի ճիշտ՝ մենաշնորհային դիրք ապահովել:
Հասկանու՞մ են այս ամենի հետևանքները ՀՀ իշխանությունները և մասնավորապես Վահան Քերոբյանը, թե՞ ոչ, դժվար է ասելը, բայց փաստն այն է, որ բենզինի շուկայում սկսվել են «մաքրման» աշխատանքները: Քերոբյանի հայտարարությանը զուգահեռ հարկային մարմինները լայնամասշատ գրոհ են սկսել գրեթե բոլոր բենզալցակայանների վրա: