Արդյոք վերացվել է՞ «Իսլամական պետության» թիվ մեկ ահաբեկիչը (տեսանյութ)
Ամերիկայի ձայն Ռուսաստանի բարձրաստիճան այրերը շարունակում են պնդել, որ Դաեշ-ի ղեկավար Ալ Բաղդադին վերացվել է ռուսական ռազմական ուժերի հրթիռակոծման ժամանակ: Դրա մասին են վստահեցնում նաև Ռուսաստանի օրենսդիրները: Անցած շաբաթ Ռուսաստանի պաշտպանության նախարարությունը տեղեկացրել էր, որ Ռաքքայի հրթիռակոծման ժամանակ սպանվել է Դաեշ-ի ղեկավար Աբու Բաքր ալ Բաղդադին: Սակայն առայժմ չկա որևէ ապացույց այս պնդումը հաստատելու համար: Միացյալ Նահանգները հայտարարել է, որ դեռևս չի կարող հաստատել այս տեղեկությունը: Ալ Բաղդադիի սպանության մասին տեղեկությունը չեն հաստատում նաև տարածաշրջանային մյուս երկրների ներկայացուցիչները: 2014 թվականից ի վեր բազմաթիվ անգամ է հայտարարվել ալ Բաղդադիի ոչնչացման մասին, սակայն ամեն անգամ այդ տեղեկությունները հերքվել են: Նրա վերացումը զգալի կորուստ կլինի Դաեշ-ի համար և կթուլացնի ահաբեկչական խմբավորումը, որն առանց այն էլ տարածքային կորուստներ է գրանցում Իրաքում ու Սիրիայում: Չորեքշաբթի պայթյուն է գրանցվել այն մզկիթում, ուր ալ Բաղդադին հռչակել էր Դաեշ-ը: Իրաքյան զորքերը մեղադրում են խմբավորման զինյալներին Մոսուլ քաղաքի ավերման հարցում քաղաքի շուրջ ընթացող մարտերի ժամանակ:
Հետևեք մեզ Viber-ում
