Անկարգություններ՝ Անկարայում. ինչ է կատարվում Թուրքիայում

Թուրքական իշխանությունները կալանավորել են 76 մարդու Անկարայի այն շրջանի վրա զանգվածային հարձակման պատճառով, որտեղ ապրում են մեծ թվով սիրիացիներ, տեղեկացնում է Ahval-ը:

Անկարայի ոստիկանության տվյալներով՝ կասկածյալներից 38-ը մինչ այդ դատված է եղել կողուպուտի, մարմնական վնասվածքներ պատճառելու եւ թմրանյութերի հետ կապված հանցագործությունների պատճառով։

Ամբոխը գրոհել է սիրիացիների տները եւ ձեռնարկությունները Անկարայի Ալթընդաղ բանվորական շրջանում, որտեղ երկու օր առաջ երկու երիտասարդ թուրք տղամարդ վիրավորվել էր տեղի թուրքերի եւ սիրիացիների միջեւ ծեծկռտուքի ժամանակ։ Երիտասարդներից մեկը՝ 18-ամյա Էմիրհան Յալչընը, երեքշաբթի մահացել է հիվանդանոցում, իսկ սիրիացի երկու քաղաքացի ձերբակալվել է Անկարայի դատարանի կողմից առաջին աստիճանի սպանության պատճառով։