Սերժ Սարգսյանն ապրիլի 19–ին հրաժարվել է առանձնատնից, երբ դուք իշխանության չէիք. Արծվիկ Մինասյան (video)

Երբ առաջարկվում է կառավարական ամառանոցը որպես պետական սեփականություն առավել արդյունավետ օգտագործելու առումով տրամադրել զինվորների վերականգնողական կենտրոնին, միանգամից ջղաձգումներ են առաջանում։ Այս մասին այսօր՝ օգոստոսի 12-ին, ԱԺ-ում հայտարարեց «Հայաստան» խմբակցության պատգամավոր Արծվիկ Մինասյանը։

Արծվիկ Մինասյանը ԱԺ փոխխոսնակ Ռուբեն Ռուբինյանին հիշեցրեց, որ պաշտոնաթող նախագահներին սոցիալական պաշտպանության շրջանակներում ցուցաբերվող պետական օժանդակության մասին օրենքն ընդունվել է 1996 թվականի փետրվարի 19-ին. «Այն ժամանակ երբ ՀՀ նախագահը Լեւոն Տեր-Պետրոսյանն էր ՀՅԴ-ի գործունեությունն ապօրինաբար կասեցված էր։ Այս օրենքի կատարման ապահովման շրջանակներում մինչեւ 2018 թվականի մարտի 7-ը այս օրենքում կատարվել են բազմաթիվ փոփոխություններ։ Երբ 2018 թվականին այս առանձնատունը հատկացվում էր ՀՀ երրորդ նախագահ Սերժ Սարգսյանին, որ պաշտոնաթողությունից հետո բնակվի, ապրիլի 19–ին էր հրաժարվել առանձնատնից, երբ դուք իշխանության չէիք»։