Նիկոլ Փաշինյանն ահաբեկված է. երբ սեփական ստվերից են սարսափում
Նիկոլ Փաշինյանի իշխանության յուրաքանչյուր օրը դաժան փորձություն է եղել լրագրողներիս համար: Մամուլն այսօր ազատ է, քան երբեւէ գոռացող վարչապետը, լինելով նախկին խմբագիր ոչնչի առջեւ կանգ չի առել լրատվամիջոցների գործունեությունը խոչընդոտելու, դժվարություններ ստեղծելու եւ այլ անհարմարություններ պատճառելու որոշումներ ընդունելուց՝ լրատվամիջոցներին թիրախավորելուց սկսած, օրենսդրական նախագծերի ընդունմամբ, համավարակի եւ պատերազմի շրջանում խիստ սահմանափակումեր կիրառելուց վերջացած:
Հայաստանի 8-րդ գումարման խորհրդարանն իր աշխատանքները մեկնարկեց լրագրողների համար աննախադեպ սահմանափակումներով: Խորհրդարանի ամբողջ շենքում ԱԱԾ պետական պահպանության աշխատակիցներ էին, որոնք խումբ-խումբ իրենց վերահսկողության տակ էին վերցրել խորհրդարանի միջանցքները, որ լրագրողների տեղաշարժը սահմանափակեն, թույլ չտան անցնել խորհրդարանի այն հատվածներով, որտեղ տեղակայված են թե իշխանության, թե ընդդիմության աշխատասենյակները: Իսկ թե ով է հատուկ ծառայության աշխատակիցներին հրահանգավորել, իշխանական պատգամավորները պատասխաններ չունեն, իսկ հսկողություն իրականացնողները հղում էին անում ինչ-որ նոր կարգի, որը այսուհետ գործեու է խորհրդարանում: «Պատիվ ունեմ» խմբակցության պատգամավոր Թագուհի Թովմասյանը մի քանի օր առաջ էր հարցում արել ԱԺ աշխատակազմին և այսօր պատասխան ստացել, որ կառույցում լրագրողների համար սահմանափակումներ չկան: Թե ինչու են սահմանափակում, իրեն հայտնի չէ: Հեղափոխությունից անմիջապես հետո Ազգային ժողովի դարպասները բացած հեղափոխական իշխանությունը կարճ ժամանակ անց ոչ միայն փակեց այդ դարպասները քաղաքացիների առաջ, այլև փակում է խորհրդարանը լրագրողների առջեւ, մի բան, որ իրեն թույլ չէր տալիս անգամ Սերժ Սարգսյանի իշխանությունը:
Նման սահմանափակումներ անգամ հոկտեմբերի 27-ից հետո ԱԺ-ում չեն կիրառվել։
Բանն այն է, որ իշխանությունը սարսափում է անգամ սեփական ստվերից, հակառակ պարագայում մոտ 700 հազար քվե ստացած իշխանությունները, որ գոռում են, թե ժողովուրդն իրենց հետ է, պետք է առավել քան ինքնացստահ լինեին, գլուխները բարձր, դուխները տեղը ու չվախենային որեւէ լրագրողի հետ առերեսումից: Մինչդեռ գող շան պես իշխանությունը տեսնում է իր գլխի ճարը, քանի որ իրական Հայաստանը տարբերվում է հունիսի 20-ին Փաշինյանի պատվերով եւ Մուկուչյանի կատարմամբ նկարված իրականությունից:
Անի Սահակյան
Հետևեք մեզ Viber-ում
