Ունեմ ձեզանից յուրաքանչյուրի աջակցության կարիքը. ԱԺ նախագահի թեկնածու Ալեն Սիմոնյանի ելույթը (video)
ՀՀ ներքաղաքական հարաբերություններում ունենք բազմաթիվ անհամաձայնություններ, Ազգային ժողովում հայտարարեց Ալեն Սիմոնյանը, ում թեկնածությունն առաջադրվել է ԱԺ նախագահի պաշտոնում։
«Բայց պետք է աներկբա հաստատենք, որ Հայաստանում մենք թշնամիներ չունենք», - ասաց նա։
Սիմոնյանը նշեց, որ մարդիկ իրենց սպասումները կապում են հենց իրենց՝ ԱԺ պատգամավորների հետ։
«Ես բոլորից խնդրում եմ ու հորդորում, որ վերափոխվենք հանուն Հայաստանի, հանուն հայ մարդու, մենք բոլորս գիտենք, որ մեր երկրի անվտանգությունն առաջնային ու կարևորագույն խնդիրներից է, բայց հաճախ մոռանում ենք, որ մեր ասած յուրաքանչյուր խոսք արձագանք է գտնում մեր սահմանների ամբողջ երկայնքով, ուստի, յուրաքանչյուր հայտարարություն սկսելիս պետք է նախ դիտարկենք մեր երկրի անվտանգության տեսանկյունից», - ասաց Սիմոնյանը։
Հետևեք մեզ Viber-ում
