Զանգվածային ծեծկռտուքներին մասնակցելու դեպքում օտարերկրացիները կարտաքսվեն Ռուսաստանից

Ռուսաստանում աճել է օտարերկրյա քաղաքացիների ներգրավմամբ զանգվածային ծեծկռտուքների թիվը: Այդ կապակցությամբ ՆԳՆ-ն ձեռնարկելու է օրենքով նախատեսված բոլոր միջոցները՝ հասարակական կարգը և անվտանգությունը խախտող գործողությունները զսպելու համար, ընդհուպ արտաքսում:

«Օտարերկրյա քաղաքացիների մասնակցությամբ կոնֆլիկտների դեպքերն ավելի հաճախակի են դարձել, մինչդեռ դրանց մի մասը զանգվածային են և հրապարակային: Բախումներ են նկատվել Ամուրի, Մոսկվայի և Սվերդլովսկի մարզերում, Դաղստանի Հանրապետությունում, Մոսկվայում և Սանկտ Պետերբուրգում»,-ասվում է գործակալության կայքում: