Նիկոլ Փաշինյանը շարունակում է հակառուսական վտանգավոր խաղը, այն նորանոր երանգներ է ստանում, կարեւոր պաշտոնները հանձնում են հակառուսականներին, մեր տեղեկություններով՝ հատկապես վատ է ընդունվել ԱԺ նախագահ Արարատ Միրզոյանին ԱԱԽ քարտուղար նշանակվելու հնարավորությունը: Ամիսներ առաջ Վատիկանում նախկին դեսպան, նախկին նախագահ Սերժ Սարգսյանի փեսա Միքայել Մինասյանը ֆեյսբուքյան տեսանյութում հայտարարեց, թե ԱԺ նախագահը 2005 թվականից հանդիսանում է Թուրքիայի գործակալ և տարիներ շարունակ Թուրքիային վաճառել է Հայաստանի գաղտնիքները: Նրա խոսքով՝ երբ Հայաստանի ԱԱԾ-ն հայտնաբերել է Միրզոյան-Թուրքիա կապը, նրան պարտադրել է «դառնալ «двойной агент»»: Մինասյանը նաև ասվածն ապացուցող փաստաթղթեր էր հրապարակել: Ի պատասխան՝ Միրզոյանը մի թեթեւ սպառնաց, թե Մինասյանը պատասխան է տալու՝ սուտ մատնության համար, բայց ամիսներ են անցել, իսկ Մինասյանի դեմ իրավական որեւէ գործընթաց չի սկսվել, ինչը նշանակում է, որ նրա ասածները ճիշտ են: Եւ, ահա, Թուրքիայի գործակալը նշանակվում է մի պաշտոնի, որն ի պաշտոնե ուղիղ եւ սերտ կապի մեջ պետք է լինի ռուսական ծառայությունների հետ: Դեռեւս Արմեն Գրիգորյանի ԱԽՔ նշանակվելու առաջին ժամանակամիջոցում մամուլում տեղեկություններ հայտնվեցին, որ ՌԴ-ն հրաժարվում է սորոսական Գրիգորյանին հասու դարձնել գաղտնի ինֆորմացիաներ եւ փաստաթղթեր, առավել եւս կատեգորիկ են տրամադրված թուրքական ագենտի նկատմամբ, ինչը կարող է տհաճ հետեւանքներ ունենալ պետության վրա: Բայց Փաշինյանն ամենեւին հետաքրքրված չէ երկրի շահով, նա իր նեղ-անձնական եւ քաղաքական հաշվարկներով է առաջնորդվում : ԱԱԽ-ն ըստ էության ինչպես Սերժ Սարգսյանի, այնպես էլ Փաշինյանի համար դարձել է քաղաքական գործարքի հանգույց, կամ էլ թիմից դուրսգրվածների հանգրվան: Խնդիրն այն է, որ Միրզոյանի եւ Փաշինյանի հարաբերությունները մինչեւ պատերազմն արդեն անհարթ էին, Միրզոյանն իշխանություն վերցնելու հավակնություններ ուներ եւ իշխանության ներսում սեփական թիմն էր ձեւավորում: Ըստ մամուլի՝ հենց Արարատ Միրզոյանի այս պլանն է պատճառը եղել, որ պատերազմից անմիջապես հետո նա թիրախավորվել է Նիկոլ Փաշինյանի կողմից եւ նոյեմբերի 9-ի գիշերը դաժան ծեծի ենթարկվել: Նույն շահերով տեղի ունեցավ նաեւ Արմեն Գրիգորյանի ԱԳՆ նախարարի առաջին տեղակալ նշանակելը, առաջիկա օրերին նա նախարար կնշանակվի: Նիկոլ Փաշինյանին այս նշանակմանը պարտադրել են գնալ իր սորոսական տերերը: Առաջիկայում, երբ կձեւավորվի ապագա կառավարությունը նման աղմկոտ նշանակումներ եւս կլինեն:
Դեկտեմբերի 5-ին՝ ժամը 12։30-ին, Հայելի ակումբի հյուրն է Գյուլնարա Ալեքսանյանը
Դեկտեմբերի 5-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Դեկտեմբերի 5-ին՝ ժամը 15։00-ին, Հայելի ակումբի հյուրն է Գագիկ Մինասյանը
Դեկտեմբերի 5-ին՝ ժամը 14։00-ին, Հայելի ակումբի հյուրն է ՀՀԿ-ից Կարապետ Պողոսյանը
Դեկտեմբերի 4-ին՝ ժամը 11։30-ին, Հայելի ակումբի հյուրն է Նարե Սոսեն
Դեկտեմբերի 4-ին՝ ժամը 16։30-ին, Հայելի ակումբի հյուրն է Մայր Հայաստանից Դերենիկ Մալխասյանը
Դեկտեմբերի 4-ին՝ ժամը 15։30-ին, Հայելի ակումբի հյուրն է Թաթուլ Պետրոսյանը
Դեկտեմբերի 4-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Դեկտեմբերի 4-ին՝ ժամը 15։00-ին, Հայելի ակումբի հյուրն է Ժասմինա Ղևոնդյանը
Դեկտեմբերի 3-ին՝ ժամը 14։00-ին, Հայելի ակումբի հյուրն է Մայր Հայաստանից Արմեն Դանիելյանը
Հետևեք մեզ Viber-ում
