Սորոսի տեռորիստը նոր հրահանգ է ստացել. հավսար-զգաստ

Օրերս հայտնի դարձավ, որ ՊԵԿ նախագահի պաշտոնից ազատվել է Էդվարդ Հովհաննիսյանը: Թեեւ դեռեւս պաշտոնական հրամանը չի եղել , բայց համակարգում բոլորը գիտեն, որ նա հեռանում է:
Համաձայն շրջանառվող լուրերի` պաշտոնանկությունը Հովհաննիսյանի համար անակնկալ է եղել: Նրան ազատման մասին հայտնել են նույն օրը առավոտյան: Մի քանի օր է տարբեր լրատվամիջոցներում փորձում են գուշակել, թե որն է ազատման պատճառը եւ ով է փոխարինելու Հովհաննիսյանին, ով է զբաղեցնելու այդ կարեւոր պաշտոնը: Բոլոր վարկածներն այն մասին են, որ Նիկոլ Փաշինյանը «փափուկ» Հովհաննիսյանին փոխում է ավելի «կոշտ» ղեկավարով, որը կիրացնի հունիսի 20-ին ստանձնած պողպատե մանդատի գործառույթներ, հարկային տեռորի միջոցով ծնկի կբերի իշխանությունների ընդդիմախոսներին եւ քննադատներին:
Տարբեր անուններ շրջանառվեցին, բայց ամենահավանականը Արդարադատության ներկայիս նախարար Ռուստամ Բադասյանի նշանակում է:
Հիշեցնենք, որ Բադասյանն արդեն աշխատել է Պետական եկամուտների կոմիտեում, նա 2018-2019 թվականներին եղել է ՊԵԿ նախագահի տեղակալ:
Ապա տեղափոխվաց արդարադատության նախարարի պաշտոնին՝ փոխարինելով կրկին փափուկ իրավաբանական մտածողություն ունեցող Արտակ Զեյնալյանին, ում համար, թերեւս ընդունելի չէր Նիկոլ Փաշինյանի որդեգրած արդարադատության իրականացումը:

Բադասյանի նշանակումը լրատվամիջոցների, հասարակական խմբերի կողմից հենց այս համատեքստում էլ մեկնաբանվեց, որ Բադասյանի գալիս ՝ իրագործելու Սորոսի գրասենյակի կողմից թելադրված ցանկացած նախաձեռնություն՝ թեկուզ այն որեւէ աղերս չունենա իրավաբանության, օրենքի ու արդարադատության հետ:

Անցախ երկու տարիներին, այն, ինչ կատարվեց համակարգում, կամ ավելի ճիշտ՝ Բադասյանի ձեռամբ, պարզապես արդարադատության բռնաբարություն կարելի է որակել: Հենց նրա նախաձեռնությամբ եւ գաղափարով գլխատվեց Սահմանադրական դատարանը, փոխվեց դատարանի կազմը՝ պետության թիվ մեկ դատարանը դնելով Նիկոլ Փաշինյանի գրպանում: Իսկ այդ ամբողջ հակաօրինական, հակաիրավական գործընթացը տեղի ունեցավ մեր բոլորիս աչքի առաջ:
Ընդունվեց ապօրինի գույքի բռնագանձման մասին հայտնի օրենքը, որն արդեն միս ու արյուն է ստանում, նախկին ոստիկանապետ Վովա Գասպարյանի, բնապահպանության նախկին նախարար Արամ Հարությունյանի եւ ԱԱԾ պաշտոնյաներից մեկի սեփականություն հանդիսացող գույքի նկատմամբ դատարանը արգելանք է դրել, իշխանությունը կասկածում է դրանց օրինականության վրա եւ ցանկանում այն վերադարձնել պետությանը:
Ռուստամ Բադասյանի նախաձեռնած դատական համակարգի վեթինգը ,իհարկե, կիսատ մնաց, բայց այս ոլորտում էլ նա որոշակի հաջողություններ գրանցեց: Նրա իդեան է Ջհանգիրյանին գործուղել ԲԴԽ եւ համակարգը վերցնել բռի մեջ:

Չենք հիշում մնացած օրենսդրական նախաձեռնությունները, որոնք մեծապես հեռու ենք իրավաբանությունից եւ արդարադատությունից , սակայն իշխանության ձեռքին որպես գործիք են ծառայում ընդդիմության համար:
Մի քանի օր առաջ էլ Բադասյանը ՍԴ-ում պաշտպանեց իշխանության շահերը ընտրական վեճում եւ կարելի է ասել՝ սա Փաշինյանին ծառայելու ֆինիշն էր: Եւ, ահա, նա տեղափոխվում է ՊԵԿ, ամենայն հավանականությամբ նույն նպատակով, որ հիմա էլ ՊԵԿ-ում իրականացնի իշխանության հակաօրինական հաղթարշավը եւ տեռորի ենթարկի Փաշինյանի ընդդիմախոսներին:

Անի Սահակյան