Արյան վաճառականները

Նիկոլ Փաշինյանը ընտրություններից հետո որոշել է հանրային համերաշխություն հաստատել քաղաքական դաշտում։ Եվ դա անել ոչ թե իր հետ անհաշտ արմատական ընդդիմության, իրեն մերժող ՀՀ քաղաքացիների հետ, այն անձանց հետ, ում վիրավորել է ու սպառնացել է, այլ իր հաճախորդների: Նա իր հարկի տակ է ընդունել մարդ-կուսակցությունների ներկայացուցիչներին, որոնք ընտրապայքար էին մտել իր ցուցումով՝ արմատական ընդդիմությանը, գլխավորապես Ռոբերտ Քոչարյանին հարվածելու առաքելությամբ , եւ վարձու շնիկների պես թեեւ իրենց գործն արեցին, 12 օր հաչացին Քոչարյանի ուղղությամբ, բայց Նիկոլ Փաշինյանը լինելով աշխաևհի ամենաժլատը, բնականաբար, իր ձայներից որեւէ մեկին չտվեց ու չանցկացրեց խորհրդարան: Նա հանդիպել է․ «Հանրապետություն» կուսակցության նախագահ Արամ Սարգսյանին, նորաստեղծ «Արդար Հայաստան» կուսակցության նախագահ, իրավաբան Նորայր Նորիկյանին, Շիրինյան-Բաբաջանյան դաշինքի անդամներ Լեւոն Շիրինյանին եւ Արման Բաբաջանյանին, Սամվել Բաբայանին, ՔՈ վարչության անդամ Սուրեն Սահակյանին։ Հիշեցնենք, որ երկխոսության եւ համախմբման առաջարկը Փաշինյանը հնչեցրեց նախօրեին՝ Հանրապետության հրապարակում հրավիրված ամփոփիչ հանրահավաքում:
«Վաղվանից, վաղը առավոտվանից քաղաքական խորհրդակցություններ եմ սկսում խորհրդարանական ընտրություններին մասնակցած այն ուժերի հետ, ովքեր երկխոսելու, քննարկելու հակվածություն ունեն: Եվ ես նաեւ հույս ունեմ, որ ժողովուրդն այս մանդատը տալիս է ինձ, որովհետեւ մենք, այո՛, պիտի մեր երկրի եւ ժողովրդի պատմության այս փուլում գնանք մեր մշակութային, գիտական, տնտեսական, բիզնես լավագույն ներուժի, հանրային եւ քաղաքական լավագույն ներուժի համախմբմանը եւ ողջ ներուժը մեր երկրի, ժողովրդի, պետության, Հայաստանի եւ Արցախի անվտանգությանը եւ բարեկեցությանը ծառայեցնելուն»,- ասել էր Փաշինյանը՝ հավելելով, որ երկխոսության կոչ է անում նաեւ բոլոր այն կառույցներին, սեգմենտներին, որոնց հետ այս ընթացքում բանավեճ եւ հակադրություն են ունեցել:

Բնական է, որ իրեն հարգող որեւէ հայ պետք է մերժեր մեկնած ձեռքը, որն ամբողջությամբ թաթախված է պատերազմի հազարավոր զոհերի արյան մեջ, պետք էր մերժեր Շուշին, Հադրութը, Արցախի 75 տոկոսը թուրքին հանձնած ձեռքը, մերժել արյան վաճառականին, քանզի Նիկոլ Փաշինյանի նպատակը ոչ թե համերաշխությունն է, հակառակ դեպքում նա անցած երեք տարում ազգը մինչեւ վերջին խազը չէր պառակտի այնքան, որ եղբայրը եղբորը ատեր, բարեկամը՝ բարեկամին թշնամի դառնար , այլ նպատակը քաղաքական դաշտը իր բռի մեջ հավաքելն է, հնազանդեցնելն ու լռեցնելը, կամ էլ ընդդեմ արմատական ընդդիմության կոալիցիա ձեւավորելը: Դատելով հաճախորդների թեթեւսոլիկության աստիճանից, Նիկոլ Փաշինյանը ճիշտ կաներ նրանց բաժնի պետի օգնականի պաշտոնով բավարարեր: Մարդիկ, որոնք պատրաստ են արան վրա առեւտուր անել , համագործակցել դավաճանի հետ, պիտի <<արժանի>> հատուցում ստանան:

Անի Սահակյան