Արտառոց պատկեր

Մի շարք մարզերում ընտրություններից հետո հետաքրքիր արդյունքներ գրանցվեցին. որոշ դեպքերում՝ անտրամաբանական, անհասկանալի, անընկալելի:
Նախ դիտարկենք, թե որ ուժը որ մարզերում է ամենաշատ եւ ամենաքիչ ձայները հավաքել:
Այսպիսով՝ ՔՊ-ն ամենաշատ ձայները հավաքել է Տավուշում, ամենաքիչը՝ Երեւանում: «Հայաստան» դաշինքն ամենաշատ ձայները հավաքել է Երեւանում, ամենաքիչը՝ Գեղարքունիքում: «Պատիվ ունեմ» դաշինքն ամենաշատ ձայները հավաքել է Արարատում, ամենաքիչը՝ Տավուշում: ԲՀԿ-ն ամենաշատ ձայները հավաքել է Կոտայքում, ամենաքիչը՝ Երեւանում,Արամ Սարգսյանի «Հանրապետություն» կուսակցությունն ամենաշատ ձայները հավաքել է Արարատում, ամենաքիչը՝ Տավուշում:

Երեւանում միջինից բարձր ցուցանիշը թերեւս պայմանավորված է էլեկտորատի որակական հատկանիշներով: Ի տարբերություն մարզերի, Երեւանի ընտրողն ավելի գիտակից է եւ ընտրությունն էլ կատարում է գաղափարական հենքի վրա:
Պատահական չէ, որ իշխանության ամենացածր ցուցանիշը հենց Երեւանում է գրանցվել՝42,31 տոկոս:
Հայաստան դաշինքը Սյունիքում եւս բարձր տոկոսներ է հավաքել՝ 27,2 տոկոս, Կոտայքի մարզում անգամ ԲՀԿ-ից շատ ձայներ է ստացել եւ երկրորդն է Քաղպայմանագրից հետո, ստացել է 20,11 տոկոս, իսկ մնացած մարզերում ավելի քիչ է հավաքել, քան իր միջին ցուցանիշն է: Առաքել քիչ ձայներ դաշինքը ստացել է Գեղարքունիքում (14,27 տոկոս) ու Արարատում (14,84 տոկոս): Մյուս մարզերում Ռոբերտ Քոչարյանի դաշինքը ստացել է 15-17 տոկոս ձայն:
Փոխարենը իշող ուժը իր միջին ցուցանիշից ցածր ձայներ է ստացել Սյունիքում՝ 53,66 տոկոս:
Հանուն արդարության կատարվածից հետո այս արդյունքը եւս շոկային էր, թվում էր, թե սյունեցիների չնչին մասը վստահության քվե կտան մեկին, ով ադրբեջանցիներին մեկ ամսից ավել է հանդուրժում է Սյունիքում, այստեղով դեպի Նախիջեւան Ադրբեջանի համար միջանցքների սխեմա ունի, որը կիրագործի շուտով: Բայց ընտրությունների արդյունքում այլ պատկեր գրանցվեց, եւ բարձր տոկոսներ խփելու հարցում ազդեցություն ունեցավ նաեւ զինվորների քվեարկությունը հօգուտ իշխանության:

«Պատիվ ունեմ» դաշինքը, որը ողջ հանրապետությունում ստացել է 5,23 տոկոս քվե, ամենաբարձր ցուցանիշը գրանցել է Արարատի մարզում, որտեղ ստացել է 9,66 տոկոս: Հիշեցնենք, որ սա Գրիգորյան (Ավշարի) եղբայրների հարազատ մարզն է: Համեմատության համար նշենք, որ եթե ողջ Երեւանից մոտ 25 հազար ձայն են ստացել, ապա Արարատի մարզից ավելի քան 11 հազար:
«Պատիվ ունեմը» առավել ձայներ հավաքել է նաեւ Լոռու մարզում (7,44 տոկոս), այստեղ էլ թերեւս դեր է խաղացել Վահրամ Բաղդասարյանի, Արկադի Համբարձումյանի՝ Դդերժավայի գործոնը:
Արագածոտնում (7,14 տոկոս) եւ Վայոց Ձորում (6,88 տոկոս): Երեւանում դաշինքն ստացել է 5,66 տոկոս: Իսկ առավել քիչ ձայներ «Պատիվ ունեմը» հավաքել է Շիրակում (2,91 տոկոս), Սյունիքում (2,92 տոկոս), Տավուշում (2,44 տոկոս), Արմավիրում (3,21 տոկոս):
ԲՀԿ-ն ողջ հանրապետության տարածքում ստացել է 3.95 տոկոս ձայն, իսկ Ծառուկյանի հայրենի Կոտայքի մարզում երրորդն են, ստացել են 8,16 տոկոս ձայն: ԲՀԿ-ն բարձր ձայներ է հավաքել Վայոց Ձորում՝ 6,47 տոկոս: Իսկ, օրինակ, Արարատում, որտեղ գտնվում է Ծառուկյանի ցեմենտի գործարանը, նաեւ այս մարզի գյուղացիների խողողն է մթերում, ԲՀԿ-ն ստացել է 3,75 տոկոս :
Այս ընտրություններում 5-րդ հորիզոնականը զբաղեցնող «Հանրապետություն» կուսակցությունը, որը հանրապետությունում ստացել է 3,04 տոկոս ձայն, համեմատաբար շատ քվե ստացել է իր հարազատ Արարատի մարզում (4,64 տոկոս) եւ Երրեւանում (3,95 տոկոս):

Անի Սահակյան