Արտեմ Ասատրյանը հետևում է Կարեն Կարապետյանի օրինակին

«Հրապարակ» օրաթեթրը գրում է. «Աշխատանքի և սոցիալական հարցերի նախարար Արտեմ Ասատրյանը փորձում է Կարեն Կարապետյանի բարեփոխիչ կառավարությանը համահունչ քայլել։ Նա նախարարությունում կադրային տեղաշարժեր է կատարում, առաջին պլան է մղում երիտասարդներին, նրանց հանձնարարում պատասխանատու գործեր։ Սոցապնախարարությունում թարմություն մտցնելու կոնտեքստում էլ նախարարն ընդունել է նոր օգնական՝ Աննա Սաֆարյանին, ով աշխատել է ՄԻՊ-ում, զբաղվում է կանանց և երեխաների հիմնախնդիրներով։ Ի դեպ, դեռ թափուր է նախարարի՝ պատգամավոր դարձած նախկին տեղակալ Ջեմմա Բաղդասարյանի տեղը, նա համակարգում էր հաշմանդամների ոլորտը։ Թե ով կփոխարինի վերջինիս, դեռ հայտնի չէ, նախարարն այս հարցի շուրջ դեռ չի անկեղծացել ոչ մեկի հետ»: Մանրամասները՝ «Հրապարակ» թերթի այսօրվա համարում: