Հերթական դավաճանության նախապատրաստումը․ Նիկոլ Փաշինյանը «անկլավների» հարցը ուզում է բարդել նախկինների վրա

Նիկոլ Փաշինյանը նախօրիեն հայտարարել էր, որ Գլխավոր շտաբի նախկին պետ Օնիկ Գասպարյանը, մինչ իր հրաժարականը պահանջելը, հեռախոսային զրույց է ունեցել Սերժ Սարգսյանի հետ։ Այդ զրույցի ժամանակ, ըստ Փաշինյանի, իր հասցեին ինչ ասես ասել են։
Երրորդ նախագահ Սերժ Սարգսյանը հաստատել է իր ու Օնիկ Գասպարյանի հեռախոսային զրույցի փաստը՝ ասելով, որ, իսկապես, պատերազմից հետո նոյեմբերի վերջին, Օնիկ Գասպարյանը իրեն զանգահարել է: «Գիտեք, բոլորս էլ հասկանում ենք, ում մասին է խոսքը, էն Օնիկ Գասպարյանի, ում կապիտուլյանտը նշանակել է գլխավոր շտաբի պետ, ում կապիտուլյանտը գեներալ-լեյտենանտի կոչում է տվել: Էդ ընթացքում, իհարկե, կոշտ-կոպիտ խոսքեր եղել են, ես նույնիսկ չեմ հիշում` հայհոյել ենք, թե չենք հայհոյել, բա ինչ անեինք, գովաբանեինք, ասեինք` ապրեք, մալադեց, որ մեր հայրենիքի կեսը հանձնել եք, որ 5000 զոհ եք տվել։
Անկեղծորեն պիտի ասեմ, որ Օնիկ Գասպարյանը մեր զինվորականների լավագույն հատվածին էր պատկանում։ Ես տեւական ժամանակ ճանաչել եմ Օնիկ Գասպարյանին, որտեղ ինքը աշխատել է, իր պարտականությունները շատ նորմալ կատարել է: Բայց չեք կարծում, որ ծիծաղելի է, իր համերկրացին, որ էդքան պաշտոններ եւ կոչումներ է իրենից ստացել, զանգահարում է ինձ եւ իր անհամաձայնությունն է հայտնում »,-նշե էլ նա:
Սերժ Սարգսյանի խոսքով` կարեւորն այն է, թե ինչպիսի փոխհարաբերություններ են նրանք ունեցել հենց ռազմական գործողությունների ժամանակ և արդյունքում եղել է այն, որ մենք գնացել ենք կանխամտածված պարտության:
«Հիմա էդ ընթացքում Օնիկ Գասպարյանը կատարել է իր ցուցումները, թե ինքնուրույն է որոշումներ կայացրել, դա կերեւա, երբ որ մենք հետաքննություն անցկացնենք, իսկ հետաքննություն մենք անց են կացնելու:
Երբ որ Օնիկ Գասպարյանը ինձ զանգահարել է, հետեւյալն է եղել խոսակցությունը` ինքը ինձ ասում է՝ ես Սյունիքում եմ, և էստեղ դժվար իրավիճակ է։ Ես հարցնում եմ` ի՞նչ դժվար իրավիճակ է։ Ասում է՝ կարծեք թե մենք պետք է ավելին հանձնենք, քան հանձնել ենք: Ես էլ ասել եմ` մի արատավորի քո գեներալի պագոնները, որեւէ կերպ պետք չի նպաստել այլ որոշումներ կայացնելու կամ այլ գործողություններ կատարելուն, որոնք նշված չեն կապիտուլյանտի ստորագրած փաստաթղթում: Մենք էնտեղ 288 քառակուսի կիլոմետր մեր զորքերի վերահսկողության տակ էր, Կուբաթլիի հատվածում, որը հանձնել ենք, կապիտուլյանտի ասելով բանավոր պայմնավորվածությունների հիման վրա․․․․ գոնե դա որ չհանձնեինք, Սյունիքը քիչ թե շատ կարող էր անվտանգ լիներ»,-նշել է նա: Սերժ Սարգսյանը նաև հերքել է Փաշինյանի այն հայտարարությունը, թե նախկինում բանակցային գործընթացում միշտ էլ ներառված են եղել այսպեօս կոչված անկլավների հարցը։ <<Անկլավների հարց չի եղել>>,- հայտարարել է Սերժ Սարգսյենը
Փաշինյանի հայտարարությանը անդրադարձել է նաև ԳՇ նախկին պետ Օնիկ Գասպարյանը։
«Անկլավների թեմայի շուրջ քննարկումները շարունակելու դեպքում, ստիպված պետք է որոշ փակագծեր բացվեն,սակայն կան հանգամանքներ,որոնց հրապարակումը անդառնալի վնաս կհասցնի մեր պետության շահերին։
Անիմաստ մեղադրանքներ հնչեցնելու փոխարեն մանրակրկիտ քննութուն պետք է կատարվի եւ որոշվի յուրաքանչյուր պաշտոնատար անձի մեղավորության չափը>>,- ArmLur.am-ի հետ զրույցում ասել է նա։
Նա իրեն մեղադրողներին նաև հիշեցրել է մի հատված նոյեմբերի 17-ի իր հայտարարությունից.
«……Բոլորիս համար, շատ ծանր պայմաններով համաձայնագիրը, ընդունվել է իրոք իրադրության բազմակողմանի գնահատման արդյունքում: Մենք պետք է ընտրություն կատարեինք շատ վատի եւ ողբերգության միջեւ: Նախընտրել ենք շատ վատը…..»։
Օնիկ Գասպարյանի խոսքով՝ ստեղծված իրադրությունում մենք այլ տարբերակ իսկապես չունեինք և ինքն, այո, հորդորում է ստորագրել եռակողմ հայտարարությունը,միաժամանակ նշելով,որ անհրաժեշտ է բանակցել և հայտարարության նախագծից աանկլավների կետը հանել։
<<Ընդ որում վարչապետը իմ հիմնավորումները չընդունեց և միայն մի քանի ժամից իր քաղաքական թիմի հետ քննարկելուց հետո ստորագրեց։
Եթե կարող էին թող չստորագրեին…..
Մի խաղացեք հանրության զգացմունքների հետ եւ էժանագույն քայլեր մի կատարեք։
Այլ հարց է թե ինչի մենք հասանք այս վիճակին եւ ում մեղքով պատերազմը չկանգնեցվեց հոկտեմբերի 19-ին մեզ համար անհամեմատ շահավետ պայմաններով։
Շատ կուզենայի,որ այս նույն ջանասիրությամբ իշխանության ներկայացուցիչները պատմեն իմ կողմից ներկայացված բոլոր առաջարկների մասին.նախքան պատերազմը,պատերազմի ժամանակ և հետպատերազմական ժամանակահատվածում(այդ թվում Աղդամի փոխարեն Հադրութի վերադարձման հարցը):
Համոզված եմ,որ կգա այն օրը երբ հասարակությունը կստանա իրեն հուզող բոլոր հարցերի պատասխանները»,- ասել է Օնիկ Գասպարյանը։
Տավուշում Նիկոլ Փաշինյանը հպարտությամբ է խոսել այն մասին, որ ինքը հրաժարվել է նոյեմբերի 9-ին հանձնել անկլավները Նիկոլ Փաշինյանը պնդում է, որ հայաստանյան անկլավների հարցը բանակցային օրակարգում եղել է դեռևս 1999 թվականից։ Ըստ նրա՝ այդ մասին հիշատակված է վերջերս իր կողմից հրապարակված Մեղրիի փոխանակման փաստաթղթում, որը Փաշինյանի պնդմամբ նաև Վազգեն Սարգսյանի և Կարեն Դեմիրճյանի սպանություններին, այսինքն՝ Հոկտեմբերի 27-ին է առնչվում։
Ինչու է Նիկոլ Փաշինյանը անկլավների բարդ ու պատասխանատու հարցը դարձրել նախընտրական ՊՌ-ի թեմա։ Թերևս հող է նախապատրաստում, որ դրանք վերադարձնելու մասին հեթական հակահայ թուղթն ստորագրելուց հետո, մեղքն ուզում է կրկին բարդել նախկինների վրա։
Հայկ Դավթյան