Ես «Կրայսլեր» եմ վարում, ոչ թե «Բենթլի». տուն-ինտերնատի տնօրենի ԺՊ

  «Լրատվամիջոցներում տարածված տեղեկատվությունը չի համապատասխանում իրականությանը: Ես վարում եմ «Կրայսլեր» մակնիշի ավտոմեքենա, այն իմն է, ես այն ձեռք եմ բերել մինչ այս պաշտոնը ստանձնելը, մեկ տարի առաջ: Ավտոմեքենան թանկարժեք չէ, շուկայական արժեքը 5000-8000 ԱՄՆ դոլար է: Կարծում եմ, որ մարդ, ով ուսանող տարիներից սկսած աշխատում է, կարող է իրեն թույլ տալ»,- Երևանի թիվ 1 տուն-ինտերնատի տնօրենի ժամանակավոր պաշտոնակատար Վահան Զուրաբյանը հերքում է այն տեղեկատվությունը, որ ինքը վարում է «Բենթլի» մակնիշի մեքենա: Մինչ Երևանի թիվ 1 տուն-ինտերնատի տնօրենի պաշտոնը զբաղեցնելը, եղել եմ «Հանգրվան» ՊՈԱԿ-ի տնօրեն, դրանից առաջ էլ աշխատել եմ Աշխատանքի և սոցիալական հարցերի նախարարությունում,տեղեկացրեց նա: