Նարեկ Սարգսյանը՝Երևանում հեղեղման գլխավոր պատճառների մասին
«Հունիսի 12-ին Երևանում տեղումների հետևանքով առաջացած հեղեղումների գլխավոր պատճառն, ըստ ամենայնի, ջրահեռացման համակարգի խցանումներն են: Խորհրդային տարիներին քաղաքն ունենում էր ոչ միայն գլխավոր ճարտարապետ, այլև՝ գլխավոր ինժեներ, ով էլ կարգավորում էր նման հարցերը։Հիմա այդ ֆունկցան իրականացնում է Երևանի քաղաքապետարանը։ Չեմ կարող գնահատել, նրանք ամբողջական ուսումնասիրություններ ունեն։ Վստահ կարող եմ ասել մի բան, որ թողունակությունը՝ նախագծային մասով բավարար է, այնպես որ տեսնում ենք խցանումների տարբերակը։ Դրանք պետք է ժամանակ առ ժամանակ մաքրվեն ու խողովակները պետք է մաքրի սեփականատեր ընկերությությունը», - այսօր լրագրողների հետ հանդիպմանն ասաց Կառավարությանն առընթեր քաղաքաշինության պետական կոմիտեի նախագահ Նարեկ Սարգսյանը։ «Տեղյակ է, որ ընկերությունը հեղեղումները պատճառաբանել է տեղումների մեծ քանակով:Բայց ես խոսել եմ մեր դեռ խորհրդային մասնագետների հետ, և նրանք ասել են, որ կառուցման ժամանակ թողունակությունները միշտ հաշվարկվում են զգալի ավելցուկով ու հնարավոր չէ, որ տեղումների քանակը լինի այնպիսին, որ չբավարարի։ Եզրակացությունն այն է, որ ավելի շատ խցանումներն են պատճառը», - ասաց Ն. Սարգսյանը։
Հետևեք մեզ Viber-ում
