Յուրաքանչյուր ոլորտում կոռուպցիա, բնականաբար, կարող է լինել.նախարար

«Իմ պաշտոնավարման ընթացքում կառավարության աշխատելաոճի մեջ հաջողվեց որոշակի նորամուծություն մտցնել։ Նորամուծությունները, բնականաբար, հանրության մոտ տեսանելի չեն», -  լրագրողների հետ զրույցում նման կարծիք հայտնեց ՀՀ կառավարության աշխատակազմի նախկին ղեկավար-նախարար ,արդարադատության ներկայիս նախարար Դավիթ Հարությունյանը: Դատական համակարգում կոռուպցիայի դեմ պայքարին անդրադառնալով,արդարադատության նորանշանակ նախարարը նշեց, որ յուրաքանչյուր ոլորտում կոռուպցիա, բնականաբար, կարող է լինել։ «Ամենակարևորն այն է, որ պայքարը լինի այնպիսին, որ, առաջինը՝ չլինեն կոռուպցիայի հիմքեր, և երկրորդը՝ եթե, այնուամենայնիվ, կոռուպցիոն ռիսկեր լինեն, դրանք պետք է անպայման բացահայտվեն և պատժվեն:Ձեռնարկվող քայլերը՝ սկսած ապօրինի հարստացումից, կանխկիկ շրջանառությունը որոշակի կատեգորիայի մարդկանց համար սահմանափակելուց և արգելելուց մինչև ԱԺ փոխնախագահ, նախկին արդարադատության նախարար Արփինե Հովհաննիսյանի ներկայացրած հակակառուպցիոն մարմնի ձևավորումը, կոչված են կանխարգելիչ գործողությունների և, անշուշտ, պարունակում են որոշակի սանկցիաներ:», - ընդգծեց Դ. Հարությունյանը։ «Դատական համակարգում բազում են խնդիրները, չի կարելի պարզունակ գնահատել միայն կոռուպցիոն տեսակետից, այդ խնդիրները կապված են արդյունավետության, արհեստավարժության, ժամանակատարության, դատական պրոցեսի մատչելիության, իրավական օգնության հետ, այսինքն՝ խնդիրն ավելի շատ բազմազան է և կոռուպցիոն տեսնակյունից միայն ներկայանցելը ճիշտ չէ», - հավելեց նա: