Օրվա կուրսով. նախագահ, թե՞գաստրալյոր

Մինչ թշնամին զավթում է, ամրապնդվում է նաեւ Գեղարքունիքի եւ Սյունիքի բարձունքներում, ՀՀ նախագահի աթոռը զբաղեցնող երկրի գերագույն գլխավոր տուրիստը գաստրոլների մեջ է: Մարդ, ով, ի պաշտոնե, պետության գլուխ է, հանդիսանում է Սահմանադրության պահպանման, այն է սուվերեն պետության ու տարածքային ամբողջականության դրույթի երաշխավոր, մեկ շաբաթ է հայտնվել է Կարմիր գրքում եւ նրա անհաջող ճամփորդության մասին մամուլում է միայն բարձրաձայնվում: Պարզվում է, մինչ ադրբեջանցիցները ներխուժել ու տնավորվել են Սյունքում, Արմեն Սարգսյանը մասնավոր այցով մեկնել է Մոսկվա, միեւնույն ժամանակ պաշտոնական շրջանակների հետ հանդիպում է խնդրել, բայց ապարդյուն: ՌԴ-ում կտրականապես մերժել են Արեւմուտքի, ավելի ճիշտ սորոսաթուրքական տանդեմի հայաստանյան գործակալին եւ Սարգսյանին այլ բան չի մնացել, քան զբաղվել սեփական բիզնես գործերով, այցելել է «Յանդեքս» ընկերության գրասենյակ, «Սկոլկովո» նորարարական կենտրոն, Լոմոնոսովի անվան պետական համալսարան: Սրանք են Սարգսյանի մոսկովյան բոլոր հանդիպումները: Իսկ Հայաստան վերադառնալուց հետո Արմեն Սարգսյանը երեկ պետական պարգև է հանձնել օպերային երգչուհի Հասմիկ Գրիգորյանին: Փաստացի, Արմեն Սարգսյանը իրականությունից կտրված, անհաղորդ մեր ցավին ու դարդին, ինչ-որ անհասկանալի «աշխատանքային հանդիպումների» գրաֆիկով է ապրում:

Նշենք նաեւ, որ վերջին շաբաթներին մամուլը գրեց, որ Արմեն Սարգսյանը համագործակցում է ռուսատյաց Արման Բաբաջանյանի հետ և նաև պլանավորում գործողություններ, որոնք միտված են աջակցելու Ռուսաստանին տարածաշրջանից դուրս մղելու քարոզչական գործընթացին, որը ղեկավարվում է Արևմուտքից։ Արմեն Սարգսյանը, նաև, պատրաստակամություն էր հայտնել աջակցել Արման Բաբաջանյանին, որպեսզի իր ղեկավարած ուժը խորհրդարանում ներակյացված լինի։
Թե ինչպես է առաջնորդվում բարեկիրթ, բոլոր շեյխերի և թագուհիների բարեկամ, էլիտար տուրիստ և ձրիակեր նախագահը, որն այսօրվա պատուհասած աղետի ուղիղ պատասխանատուներից և համահեղինակներից է, պարզ չէ ։Չ՞է որ նա է առաջին օրվանից դակում հակաօրինական, հակասահմանադրական ու անտրամաբանական որոշումները։ Չ՞է որ նա պաշտոնի համար ուրացավ բոլորին և ամեն ինչ՝ պաշտոնը վեր դասելով տղամարդկային արժանապատվությունից ու հայրենիքից: Մարդ, ում սկզբունքայնությունը չափվում է օրվա կուրսով ու տրամադրություններով, լարվածության և ըստ օրվա կուրսի, որոշում է՝ ում քծնել, ում հարվածել, երբ խոսել, երբ լռել: Հիմա, երբ վիճակը սահմանին, ինչպես Փաշինյանը կասեր, պայթունավտանգ է, ճգնաժամային, բայց մյուս կողմից չկան հասարակական-քաղաքական հուզումներ, ապա նա կարող է իրեն գժի տեղ դնել եւ ապրել իր սեփական կյանքով՝ մոռանալով, որ իքն, ի պաշտոնե, պարտականություններ ունի:

Անի Սահակյան