ՆԱՏՕ-ի ընդլայնումը սկսվել է, երբ ես լքեցի պաշտոնը.Գորբաչովի պատասխանը՝ Պուտինին

«Ինչ վերաբերում է Գորբաչովի «սխալին», ապա այդ պայմաններում նույնիսկ նման հարցը քննարկելը իրավաբական առումով անհնար է: Մինչև 1991 թվականի հուլիսը գոյություն ուներ երկու ռազմաքաղաքական բլոկ՝ ՆԱՏՕ-ն և Վարշավայի պայմանագրի կազմակերպությունը, որի անդամ երկրներն այդ հարցը չէին բարձրացնում»,- ԽՍՀՄ-ի նախկին նախագահ Միխայիլ Գորբաչովը մեկնաբանել է Ռուսաստանի Դաշնության նախագահ Վլադիմիր Պուտինի խոսքերը: Հիշեցնենք,որ ՌԴ նախագահը ասել է ,որ նա սխալ է թույլ տվել ՆԱՏՕ-ի հետ հարաբերություններում: Պետության ղեկավարն Օլիվեր Սթոունի հետ հարցազրույցի ժամանակ նշել էր, որ Գորբաչովը պետք է փաստաթուղթ կնքեր՝ դաշինքը դեպի արևելք չընդլայնելու երաշխիքների մասին: Այս մասին գրում է Life.ru-ն: Նախկին նախագահը նշել է, որ Հյուսիսատլանտյան դաշինքի ընդլայնումը սկսվել է, երբ ինքն արդեն լքել էր իր պաշտոնը: Նրա խոսքով՝ գործընթացն ավելի ակտիվ ընթացավ 2000 թվականին: