Հայաստանը կդառնա այն երկիրը, որ ցանկանում ենք տեսնել. Մխիթարյան

Այսօր Հայաստանի տարբեր շրջաններից եկած երեխաները զեկույց են ներկայացնելու ՅՈՒՆԻՍԵՖ-ի բարի կամքի դեսպան Հենրիխ Մխիթարյանին՝ իրենց առնչվող հարցերի, խնդիրների եւ երազանքների մասին: Զեկույցի ավարտից հետո Հայաստանի հավաքականի ավագը պատասխանել է երեխաներին վերաբերող հարցերին: «Շատ հաճելի է հանդիպել երեխաների հետ, կարծիքներ փոխանակվել։ Նրանք մեր ապագա են։ Միասին փորձում ենք լուծել բոլոր խնդիրները, որոնք որ նրանք ունեն։ Շնորհակալ եմ ՅՈՒՆԻՍԵՖ-ին՝ մեր երկրի անապահով երեխաներին աջակցելու համար»,- նշել է Մխիթարյանը։ Եթե հիմա երեխա լինեիք, ի՞նչ կուզեիք փոխել Հայաստանում հարցին, ֆուտբոլիստն այսպես է պատասխանել. «Կուզեի շատ բաներ փոխել, բայց այն, ինչ կա Հայաստանում, բավարար է երեխաների համար, չնայած, դեռ առաջընթացի շատ տեղ կա: Կարծում եմ, ժամանակի ընթացքում բոլոր հարցերը կլուծվեն՝ Հայաստանը կդառնա այն երկիրը, որ ցանկանում ենք տեսնել»։