Էգեյան ծովում գրանցված երկրաշարժը խուճապ է առաջացրել

Թուրքական «Հուրիեթ» պարբերականը  հայտնում է,որ  Թուրքիայի Իզմիր քաղաքի ափերին մոտ՝ Էգեյան ծովում հունիսի 14-ին նորից երկրաշարժ է գրանցվել: Երկրաշարժի ուժգնությունը Ռիխտերի սանդղակով կազմել է 4,5 մագնիտուդ: Այն գրանցվել է ծովի մակարդակից 7 կմ խորության վրա: Չկան հաղորդումներ ավերածությունների վերաբերյալ, սակայն ցնցումները որոշակի խուճապ են առաջացրել քաղաքացիների շրջանում: Իզմիրում տարբեր տեսախցիկներ արձանագրել են, թե ինչպես են քաղաքացիները ցնցումներից հետո վազելով դուրս գալիս շենքերից: