Ընտրությունների մասին խոսելն անբարոյականություն է. պետք է ռազմական դրություն հայտարարել. Թագուհի Թովմասյան (video)
«Ընդհանրապես այս փուլում ընտրությունների մասին խոսելը համարում եմ անբարոյականություն: մենք երկիր ենք կորցնում: Մտնում են մեր տուն ադրբեջանցիները: Մենք երկիր ենք կորցնում ու գնում ենք ցուցակ կազմելու, քարոզարշավ անելու: Ո՞ւմ համար եք քարոզարշավ անում, եթե վաղը մենք երկիր չենք ունենալու, մեր սահմանները հանձնում ենք: մենք պետք է այս ռիսկերը հասկանանք ու ըստ այդմ գնահատենք: Իսկ Հայաստանում եւ իշխանությունը, եւ ընդդիմությունը զբաղված են հավասարապես իրենց անձնական, քաղաքական ապագան կառուցելով, բայց թե որ երկրում, դա ես չեմ կարողանում հասկանալ»,- ԱԺ-ում լրագրողների հետ զրույցում նշեց ԱԺ պատգամավոր Թագուհի Թովմասյանը:
Արդյոք հիմա ռազմական դրության անհրաժեշտություն կա հարցին, պատգամավորը պատասխանեց. «Ես կարծում եմ՝ մենք վաղուց պետք է ռազմական դրություն հայտարարեինք, որովհետեւ այն ժամանակ, երբ որեւէ ոտնձգություն մեր սահմաններին չկար, մենք ռազմական դրություն էինք պահպանել: Հիմա երբ իրապես Հայաստանի սահմանային անվտանգությունը վտանգված է, մեր երկրի նկատմամբ իրականացվել ոտնձգություն ու մենք ռազմական դրություն չենք հայտարարում: Տրամաբանությունը չեմ հասկանում: Սրանից ավել էլ ի՞նչ պետք է լիներ, որ համարեինք, որ ռազմական դրության անհրաժեշտություն կա»:
Հետևեք մեզ Viber-ում
