Աշխարհի ամենաբարձր վարձատրվող համաշխարհային աստղերի վարկանիշը.Forbes

Gazeta.ru-ի փոխանցմամբ, Forbes ամսագիրն իր պաշտոնական կայքում հրապարակել է շոու բիզնեսի և սպորտի ամենաբարձր վարձատրվող ներկայացուցիչների վարկանիշը:Ցուցակն այս տարի գլխավորել է ռեփեր Փաֆ Դեդին (Շոն Կոմբսը): Նախորդ տարի ռեփերը 130 միլիոն դոլար է վաստակել,որի   մեծ մասը ռեփերը վաստակել է Bad Boy Fanily Reunion համերգային շրջագայության, ինչպես նաև ֆրանսիական Ciroc ապրանքանիշի հետ համագործակցության շնորհիվ: Վարկանիշի երկրորդ հորիզոնականում է երգչուհի Բիյոնսեն: Իսկ դա հնարավոր է դարձել հիմնականում նրա թողարկած Lemonade ձայնասկավառակի և դրան հաջորդած համաշխարհային շրջագայության շնորհիվ: Երրորդ հորիզոնականում 95 միլիոն դոլարով հայտնվել է բրիտանացի գրող Ջոան Ռոուլինգը, որն իհարկե վարկանիշում հայտնվել է «Հարրի Փոթերը և անիծված երեխան» գրքի և «Ֆանտաստիկ հրեշներ և որտեղ գտնել նրանց» ֆիլմի սցենարի շնորհիվ: Չորրորդ հորիզոնականում հայտնվել է կանադացի երաժիշտ Դրեյքը` 94 միլիոն դոլարով: Ամենաբարձր վարձատրվող աստղերի լավագույն հնգյակը եզրափակում է ֆուտբոլիստ Քրիշտիանու Ռոլանդուն` 93 միլիոն դոլարով: Տասնյակում հայտնվել են նաև կանադացի երգիչ Աբել Թեսֆայեն (The Weeknd), ամերիկացի ռադիոհաղորդավար Գովարդ Շտերնը, բրիտանական Coldplay խումբը, գրող Ջեյմս Պատերսոնը և բասկետբոլիստ Լեբրոն Ջեյմսը: Նախորդ տարի նույն վարկանիշը գլխավորում էր երգչուհի Թեյլոր Սվիֆթը` 170 միլիոն դոլարով: Սակայն այս տարի նոր ձայնասկավառակներ չթողարկելու և շատ համերգներ չկազմակերպելու պատճառով երգչուհին ընդամենը 44 միլիոն դոլար է վաստակել և հայտնվել վարկանիշի 49-րդ հորիզոնականում: