ՀՀ-ԵՄ նոր համաձայնագիրը կստորագրվի նոյեմբերին.Սվեն Միկսեր
«Այս տարվա երկրորդ կեսին Էստոնիան ստանձնելու է Եվրամիության խորհրդի նախագահությունը: Հնարավոր է, որ հենց այդ ընթացքում Հայաստանի հետ վիզաների ազատականացման գործընթացը տեղի ունենա: Ինձ թվում է, որ մարդկանց ազատ տեղաշարժը շատ կարևոր ասպեկտ է երկրներն ու ազգերն իրար մոտեցնելու գործում: Շատ կցանկանայի տեսնել Եվրամիության և Հայաստանի միջև մարդկանց տեղաշարժի դյուրացման գործընթացը: Լավ կլիներ ավելի շուտ, քան ուշ: Էստոնիան շահագրգռված է տեսնել այս գործընթացի արագ ավարտը, բայց ժամկետներ նշել չեմ կարող: Շատ բան կախված է նաեւ Հայաստանից»,-այս մասին լրագրողներին ասաց ՀՀ արտաքին գործերի նախարար Էդվարդ Նալբանդյանի հրավերով Հայաստանում գտնվող Էստոնիայի արտաքին գործերի նախարար Սվեն Միկսերը: Նոյեմբերին Բրյուսելում կայանալու է Արևելյան գործընկերության գագաթաժողովը և ՀՀ-ԵՄ նոր համաձայնագիրը կստորագրվի հենց այդ ժամանակ,հույս հայտնեց ԱԳ նախարարը և հավելեց,որ Հայաստան-Էստոնիա հարաբերությունները քննարկելով՝ արտգործնախարարները նկատել են, որ հատկապես տնտեսական, առևտրային հարաբերություններում կա չօգտագործված ներուժ. «Մենք կարող ենք ավելին անել, քան մինչեւ հիմա արել ենք»:
Հետևեք մեզ Viber-ում
