Փաշինյանին պաշտպանող զոհվածի ծնողն արդեն հայհոյում է նրան. Տեսանյութ
Ապրիլի 19-ին կառավարության շենքի մոտ անհետ կորածների և զոհված զինծառայողների ծնողները հանդիպում էին պահանջում Նիկոլ Փաշինյանի հետ: Զոհվածների ծնողներից մեկը նշում էր, որ Փաշինյանը պետք է իրենց երեխաներին վերադարձնի այնպես, ինչպես իրենք ուղարկել են բանակ: Ծնողը նաև զգուշացնում էր, որ եթե Փաշինյանն իրենց պահանջը չկատարի, իրենց ամբողջ ժողովրդով են զբաղվելու:
Հիշեցնենք, որ դեռ երկու ամիս առաջ այդ նույն ծնողը հավատում էր, որ իրենց որդիներին հետ է բերելու Նիկոլ Փաշինյանը, բայց չի կարողանում դա անել, որովհետև ընդդիմությունն է խանգարում իր բողոքի ակցիաներով: Ծնողը հենց մեզ հետ զրույցում էր վստահություն հայտնում, որ անպայման այս իշխանությունը գերիներին հետ կբերի: Նշենք, որ այսօր Փաշինյանին ու կառավարությանը քննադատող ծնողն ամիսներ առաջ նույնիսկ մասնակցել է Փաշինյանի՝ մարտի մեկի երթին:
Ստացվում է, որ ներկայիս իշխանությունը՝ Փաշինյանի գլխավորությամբ, այնքան է հիասթափեցրել քաղաքացիներին, որ նրան անվերապահորեն վստահողներն այսօր բոլոր մեղադրանքներն ուղղում են հենց նրա դեմ:
Աղբյուրը՝ yerevan.today
Հետևեք մեզ Viber-ում
