Ֆրանսիայում մեկնարկել են խորհրդարանական ընտրությունները

Ֆրանսիայում այսօր առավոտյան բացվել են ընտրատեղամասերը, սկսվել է քվերակության առաջին փուլը։ Այս մասին գրում է «РИА Новости»-ն։ Ընտրությունների առաջին փուլի մեկնարկը տրվել է Փարիզի ժամանակով ժամը 9։00-ին, մինչև փարիզյան ժամանակով ժամը 21։00։ Պատգամավորները ընտրվելու են մեծամասնական ընտրակարգով։ Սակայն ընտրությունների վերջնական արդյունքը պարզ կդառնա ընտրությունների երկրորդ փուլում։ Ipsos/Sopra Steria-ի՝ ուրբաթ հրապարակված հարցման արդյունքներով՝ Ֆրանսիայի նորընտիր նախագահ Էմանուել Մակրոնի ստեղծած «Առաջ, հանրապետություն» շարժումը կարող է ստանալ ընտրողնեորի ձայների 31%-ը: Հետազոտության կանխատեսումներով՝ «Առաջ, հանրապետությունը» կարող է խորհրդարանում ստանալ 397-427 տեղ 577-ից: Հարցման համաձայն՝ «Հանրապետական» կուսակցությունը և նրա դաշնակիցները կհավաքեն ձայների 22%-ը՝ 95-115 տեղ Ազգային ժողովում: «Ազգային ճակատ» կուսակցությունը կարող է ստանալ ընտրողների 17%-ի աջակցությունը՝ 5-15 տեղ: