Բանակում բարձրացել է թափանցիկության մակարդակը. Ռիչարդ Կիրակոսյան

Այսօր Ծաղկաձորում անցկացվող «ՆԱՏՕ-ն՝ որպես կայունացնող ուժ Հարավային Կովկասում, ներկայիս մարտահրավերներն ու առաջընթացները» թեմայով սեմինարի ժամանակ Տարածաշրջանային հետազոտությունների կենտրոնի տնօրեն Ռիչարդ Կիրակոսյանը կարծիք հայտնեց,որ Հայաստանի Զինված ուժերով բարեփոխումները դրական արդյունքներ են գրանցում: Կիրակոսյանը  հայտարարեց, որ Հայաստանի բանակում թափանցիկության մակարդակը բարձրացել է, և բանակը սկսել է բնակչության հետ ազնիվ վարվել։ «Նախկինում բանակի նկատմամբ հասարակության վստահությունը քիչ էր, ինչը, սակայն, բարեփոխումների արդյունքում, կարծես, լուծվում է։Բանակում բարձրացել է թափանցիկության մակարդակը, բանակը սկսել է բնակչության հետ անկեղծ լինել։ Հայաստանի պաշտպանության նախարարությունը ռիսկի դիմեց, շատ խելոք քայլ արեց, եղավ ազնիվ հասարակության հետ, սկսեց թափանցիկ աշխատել, քանի որ հանցագործությունը թաքցնելով՝ վստահությունը չես կարող բարձրացնել», - հայտարարեց նա։