Հայկ Ղալումյանի «քավորությամբ» Փաշինյանը կհանձնի՞ Տավուշը
2018 թվականի օգոստոսի 9-ին ազգակցական կապերով աշխատանքի տեղավորելու երևույթը քննադատող Նիկոլ Փաշինյանը այսօր Իջևանի քաղաքապետի ժամանակավոր պաշտոնակատար Հայկ Ղալումյանին կառավարության որոշմամբ նշանակեց Տավուշի մարզպետ: Նորանշանակ մարզպետը վարչապետի քավորն է: Հայկ Ղալումյանի եղբայրը ԱԺ «Իմ քայլը» խմբակցության պատգամավոր Վահե Ղալումյանն է, որն իշխանափոխությունից հետո՝ 2018-ի հունիսի 1-ից մինչև 2019-ի հունվարի 10-ը նույնպես եղել է Տավուշի մարզպետի պաշտոնին։ Նա նաև Ազգային ժողովում տեղի ունեցած հայտնի ծեծկռտուքի մասնակիցներից մեկն էր, որը թիկունքից հարվածում էր Էդմոն Մարուքյանին: Վերադառնալով քավորին՝
Հայկ Ղալումյանը մոտ երկու տարի է Իջևանի քաղաքապետի ժամանակավոր պաշտոնակատարն էր: Իշխանությունները ընտրված նախկին քաղաքապետ Վարդան Ղալումյանին քրեական գործերի սպառնալիքների հիմքով հեռացրեց այդ պաշտոնից: Այն պարագայում երբ երկու Ղալումյանների միջեւ ազգակցական կապ կա, բայց Նիկոլ Փաշինյանը թերեւս պատվի հարց էր համարում քավորին բարձր պաշտոնի նշանակելը եւ այդպիսով հայրենի իջեւանը իրենով անելը: Սակայն Հայկ Ղալումյանն այնքան չընդունված ու չհարգված անձնավորություն է, որ Նիկոլ Փաշինյանը ռիսկի չդիմեց եւ տարբեր պատրվակներով մի քանի անգամ հետաձգեց իջեւանյան ընտրությունները: 2019-ի աշնանը քաղաքապետի պաշտոնին տիրանալուց հետո Հայկ Ղալումյանը պետք է դեկտեմբերին քննություն հանձներ եւ նշանակվեին ընտրություններ, բայց դրանք օրենքի խախտումով տեղափոխվեցին հաջորդ տարվա գարուն, այդ ժամանակ փրկության հասավ կորոնավիրուսը, ընտրությունները կրկին հետաձգվեցին: Խորհրդարանը նույնիսկ փոխեց օրենքը եւ Իջեւանի քաղաքապետի ընտրություններն էլ պետք է կայանան համամասնական ընտրակարգով, ինչը նշանակում է, որ կուսակցությունների միջեւ պետք է մրցապայքարը գնար, Նիկոլ Փաշինյանը հույս ուներ, որ իր անվան տակ քավորը կդառնա քաղաքապետ, բայց պատերազմը վրա հասավ ու քավորը կրկին մնաց ժպ-ի պաշտոնում: Եւ ահա, այսօր նա նշանակվում է Տավուշի մարզպետ: Հիշեցնենք, որ նախկին մարզպետ Հայկ Չոբանյանը հրաժարական տվեց ու տեղափոխվեց Երեւան փոխարինելով բարձր տեխնոլոգիաների նախարար Հակոբ Արշակյանին:
Վարչապետ Նիկոլ Փաշինյանն առաջին անգամը չէ, որ հակասում է ընդդիմադիր Նիկոլ Փաշինյանին. երկրի ղեկավարի պաշտոնը ստանձնելուց հետո պատգամավոր դարձան նաև ընտանիքի անդամները. աներձագը՝ Հրաչյա Հակոբյանը և եղբորորդին՝ Սիփան Փաշինյանը «Իմ քայլը» խմբակցության պատգամավոր են: Հանրապետության ոստիկանապետի պաշտոնն այժմ զբաղեցնում է Փաշինյանի մանկության ընկեր՝ ծնունդով Տավուշից Վահե Ղազարյանը:
Այս առումով որեւէ արտառոց բան տեղի չի ունեցել, արտառոցն այն է, թե ինչու կամ հանուն ինչի մարզում չընդունված քավորին մարզպետ դարձրեց, երբ երկու տարի շարունակ քաղաքապետի էլ չձգեց: Սա նշանակում է, որ կամ Նիկոլ Փաշինյանը հավատարիմներ չունի եւ ընտրություններից առաջ քավորին է վստահում մարզը, որ ցանկացած միջոցով ձայներ ապահովի իշխանության համար, կամ էլ՝ Մմոսկվայում պայմանավորվածություն է կայացրել էլի գնալ զիջումների, միգուցե՝ այս անգամ Տավուշից, ինչի մասին վերջին շրջանում խոսակցությունները չեն դադարում: Էլ ով, եթե ոչ քավորը կկատարի իր ցանկությունները եւ դա կանի առանց աղմուկ-աղաղակի:
Անի Սահակյան
Հետևեք մեզ Viber-ում
