Իշխանական ներքին խարդավանքներ,թե տգիտություն
Այսօր հայտնի դարձավ, որ Բարձրագույն կրթության եւ գիտության մասին ՀՀ օրենքը, որը խորհրդարանն ընդունել է մարտի 24-ին, ուշացումով է ուղարկվել ՀՀ նախագահի հաստատմանը։ Օրենքն ընդունելուց հետո ԱԺ-ն մեկ շաբաթյա ժամկետում պարտավոր է ուղարկել նախագահի հաստատմանը, խորհրդարանը 9 օր անց է ուղարկել, փաստն այդ հաստատել են նախագահականից։ Իսկ դա ենթադրում է, որխորհրդարանը կամա, թե ակամա Արմեն Սարգսյանին զրկել է սահմանված ժամկետներում իր պարտականությունները կատարելու իրավունքից։ Թեեւ Արմեն Սարգսյանը 21 օրյա ժամկետ ունի որեւէ օրենք ստորագրելու հարցում, սակայն կարգն է այդպիսին եւ հիմա նշվածօրենքը պետք է հետ վերադարձվի խորհրդարանին,իսկ խորհրդարանը այն պետք է նոր տողից սկսի գործընթացը։ Այսինքն նախ առաջին ընթերցման ռեժիմ անցնի, ապա երկրորդ եւ եթե նորից ընդունվի խորհրդարանում, նոր կուղարկեն նախագահական։ Արդյոք ԱԺ-ն միտումնավոր է ուշացրել նախագծի ուղարկումը, թե հերթական տգիտության դրսեւորում է իմքայական իշխանավորների կողմից , այս պահին մնում է չպարզաբանված։ Նկատենք միայն, որ իշխանությոնը կյանքի գնով անցկացրեց այս օրենքը, որը բազում աղմկահարույց փոփոխություններ էր պարունակում, դրանցից առաջինն այն էր, որ բուհերի կառավարումը լինի քաղաքականացված եւ ըստ էության իշխանությունն իր ձեռքը վերցնի բուհերը։ Նոր փոփոխությամբ ռեկտորներին ընտրում են բուհերի խորհուրդները, որոնց 9 հոգանոց անդամներից չորսին նշանակում է ԿԳՍՄ նախարարությունը։
ՀՀ ամենամեծ բուհը՝ Մայր բուհը ցայսօր ռեկտոր չունի, ժամանակավոր պաշտոնակատարի հույսին է, ենթադրվում էր, որ օրենքն ուժի մեջ մտնելուն պես իշխանությունը պետք է օր առաջ լուծեր նախեւառաջ ԵՊՀ-ի հարցը։ Բայց ինչպես հայտնիէ Նիկոլ Փաշինյանն այդ պաշտոնում տեսնում է ԿԳՍՄ նախկին նախարար Արայիկ Հարությունյանին, ում պատերազմից հետո ազատեց իր պաշտոնից եւ նշանակեց իրեն օգնական։ Միգուցե ընտրությունների նախաշեմին նպատակահարմար չէ նման աղմկոտ նշանակում իրականացնել եւ իշխանությունը ըստայդմ միտումնավոր է օրենքն ուշացրել։ Չի բացառվում, որ Արարատ Միրզոյանն է այսպիքով ինչ-որ բան ուզում հասկացնել Նիկոլ Փաշինյանին։ Իրադարձությունների այպիսի ընթացքը մի բանի մասին է հուշում, որ այնտեղ խառն են, շատ խառը, եւ դրա համար էլ կամ անուշադրության են մատնել ժամկետները, կամ էլ այլ հաշվարկներ ունեն։
Անի Սահակյան
Հետևեք մեզ Viber-ում
