Ֆիրդուսի կառուցապատման համար ներդրողներ կան. քաղաքապետ
«Երևանի «Ֆիրդուսի» շուկայի առևտրականները դեռևս մեկ տարի առաջ են տեղեկացվել, որ պետք է հեռանան տարածքից:Առևտրականների հետ բանակցում ենք արդեն 15-20 օր, բանակցությունները շարունակվում են: Իմ տեղակալ Դավիթ Օհանյանը բանակցում է առևտրականների հետ: Աշխատանքային խորհրդակցության ժամանակ էլ ես հայտարարել եմ, որ մեր առևտրականների համար պետք է ստեղծենք հարմարավետություն իրենց առևտուրն իրականացնելու համար: Մենք դեմ ենք, որ առևտուր իրականացնողին, որն օրվա հացի խնդիրն է լուծում, միանգամից արգելել: Դրա համար մենք բանակցում ենք այլ շուկաների հետ, որ անվճար կամ հարմար տեղեր հատկացնեն»,- լրագրողների հետ զրույցում այս կերպ արձագանքեց Երևանի քաղաքապետ Տարոն Մարգարյանը դիտարկմանը, թե հեռացման որոշման մասին որևէ բան առևտրականներին նախապես չէին հայտնել:
««Ֆիրդուսի» շուկայի աշխատակիցների հետ փորձելու ենք ընդհանուր հայտարարի գալ, որ որևէ քաղաքացի կորուստ չունենա:Դուք գիտեք, թե վերջին 15 տարիների ընթացքում ինչքան բողոքներ կան Ֆիրդուսի փողոցի հետ կապված, քանի որ այն իրացման գոտի է, իսկ քաղաքացիները վարձով են ապրում: Ներդրողները կան, գործընթաց են սկսել, որն օր առաջ ուզում են սկսել, որպեսզի այդ թաղամասը լինի գեղեցիկ կառուցապատված»,- հավելեցՄարգարյանը:
Հետևեք մեզ Viber-ում
