Նիկոլ Փաշինյանը ծանրագույն պատիժ է սահմանում իր համար

Ժողովրդական հայտնի ասացվածքն ասում է՝ ճշմարտությունը կարելի է իմանալ կամ տան փոքրից, կամ գյուղի գժից: Հովիկ Աղազարյանը իշխանության փոքրն է, թե գիժը, որոշեք ինքներդ, բայց, որ նա պարբերաբար դուրս է հանում իշխանության ներքին խոհանոցը՝ երբեմն միամտաբար, հաճախ՝ հրահանգավորած, դա ժխտել չենք կարող: Այսպիսով, մարդկային կերպարանքով այս անձնավորությունը այսօր հերթական փայլատակումն է ունեցել:

Հա անիմաստ հարցադրում է արել լրատվամիջոցներից մեկի ժամանակ, որ եթե Հայոց ցեղասպանությունը Թուրքիան ճանաչի, ապա դրանից հայ ժողովրդին ի՞նչ։
Պատկերացրեք, որ երկոտանի այս արարածը ոչ միայն մեզ հետ, մեր շարքերում է ապրում, այլեւ ՀՀ խորհրդարանի իշխող խմբակցության պատգամավոր է։ Եթե այդ տարիքում չի հասկացել, թե ինչու է պետք Թուրքիային ճանաչել տալ ցեղասպանությունը, ապա այլեւս անհույս է ինչ-որ բան բացատրելը:
Իսկ եթե, այնուամենայնիվ հասկանում է, բայց կատարում է Նիկոլ Փաշինյանի պատվերը, դա մարդկային ստորության գագաթնակետն է: Քանզի մարդկության դեմ հանցագործության ամենադաժան տեսակը՝ ցեղասպանությունը ոչ մի գնով չի կարելի երկրորդել անձերի շահերին, ով էլ դա լինի: Նիկոլ Փաշինյանն, այո, պատրաստ է Արցախը, Հայոց ցեղասպանությունը, Սյունիքը և նույնիսկ ամբողջ Հայաստանը հանձնել, միայն թե մնա իշխանության ղեկին :

Հովիկ Աղազարյանը երկրորդել է Նիկոլ Փաշինյանի՝ Շուշին ադրբեջանական լինելու հայտարարությանը եւ ասել, որ ասել է, որ իր կարծիքով՝ Քարվաճառը հայկական չէ և չի էլ եղել.
«Հայաստանում կա՞ մեկը էդքան դուխով, որ ամբողջ աշխարհին կարող է ասել, որ Քելբաջարը մերն է եղել: Ամբողջ աշխարհն ասել է՝ Քելբաջարը քոնը չի, տղա ջան, արագ-արագ հետ տուր, դու էլ խելոք-խելոք պիտի հետ տայիր վաղ թե ուշ»,- ասել է նա:

Եթե հովիկաղազարյաններին ու քայլիստներին թվում է, որ նման հայտարարություններով կարողանալու են մեղմել հանրային ցասումը եւ քարոզչական մանիպուլիացիաներով պողոսների խավին համոզել, որ ոչ Շուշին էր մերը, ոչ Ադրբեջանին նվիրած մնացած բոլոր տարածքները, ապա չարաչար սխալվում են: Եկեք մի պահ ընդունենք, որ նրանք ճիշտ են, եւ Քարվաճառն, իսկապես, մերը չէ, ապա ինչո՞ւ դրա մասին պատերազմից առաջ չէին հայտարարում, չէին գրում իրենց ծրագրում, որ գալիս են արդարությունը վերականգնելու եւ ուրիշի տարածքները վերադարձնելու նրանց, եթե այդ տարածքները մերը չէին, ինչու հազարավոր տղաների զոհեցին, թող պատերազմի առաջին օրերին կանգնեցնեին այն եւ ասեին, որ դրանք մերը չէն, խնայեք ձեր կյանքը, կենաց-մահու կռիվ պետք չէ տալ՞, չարեցին միայն նրա համար, որ ինչպես Նիկոլ Փաշինյանը խոստովանեց իրեն դավաճան չասեի՞ն: Եթե Քարվաճառը մերը չէր, ապա ինչո՞ւ էին Սուրեն Պապիկյանը և Ալեն Սիմոնյանը պնդում, թե Աղդամն իրենց հայրենիքն է։
Այնպես որ, իշխանության քայարածները ոչ այս անհեթեթ հայտարարություններով ոչ թե մեղմացնում են իրենց վիճակը, այլ իրեն պատիժը դարձնում ծանրագույն:

Անի Սահակյան