Նիկոլ Փաշինյանը փուռը չի տալիս. երկար ճանապարհ ունի անցնելու

Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանի և նրա որդու` Ռաֆիկ Հայրապետյանի դեմ հարուցված քրգործով ՀՀ վարչապետ Նիկոլի օգնական Աննա Վարդապետյանին առնչվող դեպքով ԱԱԾ–ում քրգործի հարուցումը մերժվել է։ Մարտի 10-ին մեծ աղմուկ բարձրացրեց մի տեսանյութ, որում երևում է, որ Աննա Վարդապետյանը միջամտում է Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանի և նրա որդու` Ռաֆիկ Հայրապետյանի նկատմամբ հարուցված քրգործերի նախաքննությանը։ Տեսանյութում տեսանելի է, որ գործով քննիչ Արթուր Այվազյանն էլեկտրոնային նամակագրությամբ հանձնարարականներ է ստանում Վարդապետյանից, մասնավորապես Ռուբեն Հայրապետյանին և նրա որդուն որպես մեղադրյալ ներգրավելու մասով։
Մարտի 17-ին Ռուբեն Հայրապետյանի պաշտպան Ամրամ Մակինյանին հրավիրել էին ԱԱԾ՝` Աննա Վարդապետյանի գործով բացատրություն տալու։
Դրանից հետո Մակինյանը նշեց, որ վարչապետի օգնականի դեպքով Ռուսաստանի իրավապահներին կդիմի, եթե այստեղ գործին ընթացք չտրվի։
Հիշեցնենք, որ Ռուբեն Հայրապետյանը որպես մեղադրյալ է ներգրավվել ՀՀ քրեական օրենսգրքի 119-րդ հոդվածի 2-րդ մասի 3-րդ, 5-րդ կետով (ֆիզիկական ուժեղ ցավ կամ հոգեկան տառապանք պատճառելը), 133-րդ հոդվածի 2-րդ մասի 1-ին, 2-րդ, 7-րդ կետերով (մի խումբ անձանց կողմից շահադիտական դրդումներով մարդուն առևանգելը) և 322-րդ հոդվածի 2-րդ մասով (ինքնիրավչություն):
Նրան մեղադրանք է առաջադրվել «Հարսնաքար» համալիրի գործադիր մարմնի ղեկավարի նկատմամբ առերևույթ կատարված ինքնիրավչության, նրան ազատությունից ապօրինի զրկելու, ֆիզիկական ուժեղ ցավ, հոգեկան ուժեղ տառապանք պատճառելու դեպքերի առթիվ քննվող քրեական գործով: Հայրապետյանի հանդեպ հետախուզում էր հայտարարվել։
Նույն մեղադրանքները ներկայացվել են նրա որդուն՝ Ռաֆիկ Հայրապետյանին, որին կալանավորելու միջնորդությունը մերժվել է:

Իրավական նորմալ երկրում Աննա Վարդապետյանի դեմ ոչ միայն քրեական գործ կհարուցվեր, այլ վաղուց նա պետք է հայտնվեր ճաղերի ետեւում՝ քննչական մարմիններին ուղղորդելու, նրանց աշխատանքներին միջամտելու համար: Սակայն Նիկոլ Փաշինյանը , միանշանակ, չի հանձնում իր օգնականին, քանի որ այդ օգնականը կատարում է իր ցուցումներն ու հրահանգները, իսկ եթե չի հանձնում, նշանակում է, դեռ երկար ճանապարհ ունի Աննայի հետ անցնելու: Մենք ավելի վաղ գրել էինք, որ նախկինների դեմ բոլոր աղմկահարույց գործերը կարվել են Աննա Վվարդապետյանի
ցուցումներով եւ ձեռամբ: Եթե հեղափոխությունից հետո էյֆորիայի մթնոլորտում Նիկոլ Փաշինյանն ուշադրություն չէր դարձնում իրավական նյուանսներին եւ հարուցված բոլոր գործերն այդպես էլ <տուշոնկա օպերացիայի> անհաջող ձեւակերպումից վեր չբարձրացան, ապա էյֆորիայի դոզայի նվազելուն պես որոշակի իրավական հիմնավորվածություն էր հարկավոր տալ այդ գործերին, ինչն էլ իր վրա է վերցրել Աննա Վարդապետյանը եւ Փաշինյանի կաբինետում սարքած պատրաստի գործերն ուղղարկել է նախաքննական մարմիններին:
Իր օգնականին փուռը չտալու փաստը հուշում է, որ Նիկոլ Փաշինյանն առաջիկայում էլ դեռ հակված է նրա պոտենցիալն օգտագործել:

Անի Սահակյան