Դավութօղլուն ահաբեկչության համար ԱՄՆ-ին է մեղադրու՞մ

Ըստ Radikal-ի՝ Անկարայում տեղի ունեցած ահաբեկչության կազմակերպիչը եղել է «YPG ահաբեկչական խմբավորման անդամ»,հայտարարել է Թուրքիայի վարչապետ Ահմեդ Դավութօղլուն  և տեղեկացրել, որ Սիրիայի քաղաքացի մահապարտը եղել է 24 տարեկան՝ 1992 թվականի ծնված: «Հյուսիսային Սիրիայի Հասաքե շրջանի Ամուդե քաղաքում ծնված մահապարտը եղել է YPG-ի անդամ: Ահաբեկչությանը հաջորդած գործողությունների ընթացքում ձերբակալվել է նաև 9 մարդ: Հետաքննությունը շարունակվելու է, և բոլոր անդամները մեկ-մեկ բացահայտվելու են և հանձնվելու արդարությանը»,- հայտարարել է Դավութօղլուն՝ կրկնելով՝ «YPG-ն և PYD-ն ահաբեկչական խմբավորումներ են»: Հիշեցնենք, որ ԱՄՆ-ն ավելի վաղ հայտարարել էր, որ ինքն ահաբեկչական խմբավորում չի համարում PYD-ին և դրա անդամներին, ինչը մեծ զայրույթ էր առաջացրել Թուրքիայի ղեկավարների շրջանում: Էրդողանն անգամ կոչ էր արել ԱՄՆ-ին՝ ընտրություն կատարարել՝ ԱՄՆ-ը Թուրքիայի՞, թե՞ ահաբեկչական խմբավորումների կողքին է,PYD-ն և YPG-ն Սիրիայում քրդական կազմակերպություններ են, որոնք պայքարում են ահաբեկիչների դեմ: