«Որտեղի՞ց շարքային բժշկին այդքան հարստություն»
«Ծառուկյան» դաշինքի պատգամավոր Նաիրա Զոհրաբյանը հայտարարեց, որ կարևոր ռազմավարական և հատկապես՝ առողջապահական օբյեկտները սեփականաշնորհելուց առաջ պետք է կազմակերպվեին խորհրդարանական լսումներ: «Բազմաթիվ հարցեր ունեմ Ուռուցքաբանության կենտրոնի ղեկավարությանը, Կուրորտաբանության կենտրոնի ղեկավարությանը, և այլն, որովհետև ինձ շատ հետաքրքիր է, թե ինչու այդ հիվանդանոցները չեն կարողանում իրենց առջև դրված խնդիրը լուծել, բայց այդ հիվանդանոցների ղեկավար բժշկական կազմն ապրում է միլիոնատերերի նման։ Որտեղի՞ց շարքային բժշկին այդքան հարստություն, երբ իր հիմնարկում անգամ պետպատվերով հաշմանդամ զինվորից գումար են գանձում վիրահատության համար»։ Զոհրաբյանը շեշտեց, որ 1990թ. մինչև 2016թ. քաղցկեղով հիվանդացությունն աճել է 80%-ով, իսկ մահացությունը՝ 90%-ով: Զոհրաբյանն առաջարկեց նախագիծը չդնել քվեարկության և կազմակերպել խորհրդարանական լսումներ. «Մենք որևէ տեղ չենք շտապում։ Եթե նպատակն իսկապես այդ ոլորտներն արդյունավետ կառավարման հանձնելն է, որը կապահովի որակ, ապա այստեղ շտապել պետք չէ»։
Հետևեք մեզ Viber-ում
