ՌԴ-ի և ԱՄՆ-ի միջև զինված հակամարտության հետևանքների մասին.«կարծում եմ, որ ոչ մեկը ողջ չէր մնա»

TASS-ի փոխանցմամբ, Ռուսաստանի նախագահ Վլադիմիր Պուտինն ամերիկացի կինոռեժիսոր Օլիվեր Սթոունին տված հարցազրույցում ասել է,որ  Ռուսաստանի եւ ԱՄՆ-ի միջեւ բացահայտ եւ ընդգրկուն զինված հակամարտությունից ողջ չի մնա ոչ ոք:  Երես առ երես ձեւաչափով Ռուսաստանի ղեկավարի հետ զրույցների այս շարքի հիման վրա Սթոունը նկարահանել է չորսսերիանոց վավերագրական ֆիլմ, որն ԱՄՆ-ում Showtime հեռուստաալիքով կցուցադրվի հունիսի 12-15-ը: «Կարծում եմ, որ ոչ մեկը ողջ չէր մնա»,- ասել է Ռուսաստանի ղեկավարը՝ պատասխանելով այն հարցին, թե նրա կարծիքով, ԱՄՆ-ին կհաջողվի արդյոք հաղթել, եթե Մոսկվայի եւ Վաշինգտոնի միջեւ դիմակայությունն անցնի թեժ ռազմական փուլի: ԱՄՆ-ի նախագահի պաշտոնում Դոնալդ Թրամփի ընտրվելը հույս տալիս է արդյոք բարելավելու ռուս-ամերիկյան հարաբերությունները հարցին պատասխանել է.«Հույս միշտ էլ կա»: Ֆիլմի՝ էկրան բարձրանալուն նվիրված գովազդային տեսահոլովակը Showtime-ը հունիսի 6-ին զետեղել է YouTube-ում: