Նիկոլ Փաշինյանի բարբարոսների ապստամբություն է սպասվում

Ազգային ժողովի փոխնախագահ Լենա Նազարյանը ՍիվիլՆեթի հետ զրույցում խոսել է Հայաստանում առկա ներքաղաքական ճգնաժամի մասին և ներկայացրել իշխող ուժի՝ իրավիճակի հանգուցալուծման պատկերացումը: Լենա Նազարյանի պատկերացմամբ՝ հանգուցալուծումը կարող է լինել արտահերթ ընտրությունները: Ժողովուրդը կասեր՝ հասել ենք, իջեք:
Մոտ մեկ ամիս առաջ ուսապարկերի խմբակցությունը հավաքվեց Ծաղկաձորում, երկու օրվա վոյաժների մեջ էր, իբր քննարկում էր արտահերթ ընտրությունների հարցը, հետո պարզվեց, որ Նիկոլ Փաշինյանը մի հայտարարություն է տարածել նրանց անունից, որում ասվում էր, որ արտահերթ ընտրություններ չեն լինելու, որովհետեւ նախ չկա հանրային պահանջ, եւ երկրորդ՝ ընդդիմությունը համաձայնության չի գալիս իշխանության հետ:
Հիմա, երբ ԶՈՒ ԳՇ հայտարարությունը Հայաստանում ներքաղաքական լարվածությունը հասցրել է գագաթնակետին, Նիկոլ Փաշինյանի տեղը նեղվել է, նորից իր ուսապարկերից մեկի միջոցով շրջանառության մեջ է դրել արտահերթ ընտրությունների թեման:

Կարելի է ասել, որ սիմուլյանտների, ավանտյուրիստների իշխանությունն առաջնորդվում է օրվա կուրսով, երբ հանրային ճնշման դոզան ավելանում է, սրանք ոտուձեռ են ընկնում, փորձում են ընդդիմության հետ լեզու գտնել, իսկ հենց թուլանում է, նորից մտնում են իրենց բեսպրեդելի մեջ:

Բայց մի բան անհասկանալի է մնում: ԳՇ հայտարարությունից հետո հրավիրված հանրահավաքին Նիկոլ Փաշինյանի աջակից բարբարոսները, որոնք հոխորտում էին փռթել-թափել ընդդիմությանը, բոլոր նրանց, ովքեր իրենց կուռքին կասեն աչքիդ վերեւը հոնք կա, կատեգորիկ մերժում էր արտահերթ ընտրություն անցկացնելու Նիկոլ Փաշինյանի հրապարակային արված հարցադրում-առաջարկը: Սեփական օլիգարխիայի, քրեական հեղինակությունների կողմից հրապարակ բերված այդ խաժամուժը ոռնում, ճչում , հակադրվում էր Նիկոլ Փաշինյանի հարցումներին ի պատասխան՝ ուզում եք ես հեռանամ, ուզում եք արտահերթ ընտրություններ անցկացնենք:
Բա եթե ձոր հրոսակախումբը, որին ժողովուրդ եք անվանում, դեմ է արտահերթ ընտրություններին, քանի գլխանի եք, որ ժողովրդի կամքին դեմ եք գնում, քանի գլխանի եք, որ արհամարհում եք ժողովրդի պահանջը, բա, սազում է ժողովրդական բաստիոն հռչակած Հայաստանում դեմ գնալ ժողովրդի պահանջին: Չեք մտածում, որ բարբարոսները մի ապստամբություն էլ իշխանության ու Նիկոլ Փաշինյանի դեմ կանեն՝ պահանջելով հարգել իրենց կամքը:

Անի Սահակյան