Արայիկ Հարությունյան՝ Փաշինյանի չինական պատենդի նոր ավանտյուրան

Արցախի նախագահի աշխատակազմից հայտնում են, որ Արայիկ Հարությունյանը փետրվարի 22-ին ստորագրել է հրամանագրեր, համաձայն որոնց՝ Աշոտ Մելսիկի Հակոբջանյանը նշանակվել է Արցախի Հանրապետության ազգային անվտանգության ծառայության տնօրեն, իսկ Արարատ Միքայելի Մելքումյանը՝ Արցախի Հանրապետության ազգային անվտանգության ծառայության տնօրենի առաջին տեղակալ:

Աշոտ Հակոբջանյանը Արցախի նախկին ոստիկանապետն էր, նա պաշտոնանկ արվեց պատերազմից հետո ԱԱԾ տնօրենի հետ միաժամանակ: Հանրային տրամադրություններին ընդառաջ Հարությունյանն ազատվեց իր երկու մտերիմներից, որոնք մեծ ներդրում էին ունեցել Արցախի նախագահի ընտրարշավի ժամանակ: Մամուլը գրեց, որ թե Հակոբջանյանը, թե ԱԱԾ նախկին տնօրեն Կամո Աղաջանյանը գումարներ են ծախսել Հարությունյանին իշխանություն բերելու համար եւ այդ իսկ պատճառով կարելի է ասել իշխանության փայատերերից էին:

Հիշեցնենք, որ ԱԱԽ քարտուղար նշանակվելու Վիտալի Բբալասանյանի պահանջի մեջ եւս առանցքային էր ուժային կառույցների ղեկավարների փոփոխությունը:

Աշոտ Հակոբջանյանի նկատմամբ դժգոհությունները տասնապատկվել էին պատերազմի օրերին: Ոստիկանության աշխատակիցների անկազմակերպ աշխատանքը, նրանց առանց պատրաստելու առաջնագիծ ուղարկելը եւ համակարգից տասնյակ զոհերի փաստը Աշոտ Հակոբջանյանի դեմ էր հանել յուրայիններին: Մի շարք հրապարակումներ եղան այն մասին, որ ոստիկանության զոհված աշխատակիցների հարազատները հիմնավոր փաստերով հաղորդումներ են ներկայացրել Աշոտ Հակոբջանյանի դեմ: Բայց ինչ է ստացվում Աշոտ Հակոբջանյանը երկու ամիս առաջ ազատվելով ոստիկանապետի պաշտոնից հիմա նշանակում է ԱԱԾ տնօրեն: Մնչդեռ Արցախում սպասում են նրա պատասխանատվության պահին:

Արայիկ Հարությունյանը ըստ էությանը սահուն քայլերով շարժվում է Նիկոլ աշինյանի ճանապարհով: Նա նույնպես խայտառակ կապիտւլացիայի ստորագրումից հետո հեռանալու փոխարեն կադրային ռակիրովկաներով է զբաղված, փորձում է աշխատանքի պատրասնք ստեղծել, իրեն թվում է գումարելիների փոփոխությունից գումարը կփոխվի: Իսկ իրականում պատերազմից երեք ամիս անց էլ Հայաստանը հետեւողականորեն զիջում է թշնամում արդեն Հայաստանի սահմանները: Սյունիքը բաստուրմայի պես տալաշ-տալաշ հանձնվում է Նիկոլ Փաշինյանի կիր թեւ կառուցողական դաշնակիցներին:

Թվում էր, թե Արայիկ Հարությունյանը ինչ-որ առումով Նիկոլ Փաշինյանի դրսեւորած ցինիզմից իրեն հեռու կպահի, բայց ճիշտ հակառակը, նա նոր ռեկորդներ է սահմանում եւ ամեն օր ապացուցում, որ ինքն էլ Արցախի Նիկոլ Փաշինյանն է:

Այս մարդն էլ ամեն օր օր քայլերով ու գործողություններով ցույց է տալիս, որ բացարձակապես ոչինչ չի եղել: Ո՛չ հազարներով մեր զինվոր տղաներն են զոհվել, ո՛չ հազարներով վիրավորվել, ո՛չ Հադրութն ենք կորցրել, ոչ էլ Շուշին է տրվել թուրքին:

Ուստի կարող է առոք-փառոք շարունակել նախագահությունը ու պաշտոնների վերադարձնել բոլոր նրանց, ում հեռացրել էր ինչ-որ պահի:

Անի Սահակյան