Շնչելն արգելվում է. ապագայի որոշում Նիկոլ Փաշինյանից
Իշխանության ներկայացուցիչներին վիրավորելու կամ զրպարտելու դեպքում քաղաքացիները քրեական պատասխանատվության կենթարկվեն և կազատազրկվեն առավելագույնը երկու տարի ժամկետով: Օրենսդրական աղմկահարույց այս փոփոխությունը հեղինակել եւ հանրային քննարկման է ներկայացրել Արթուր Դավթյանի ղեկավարած Գլխավոր դատախազությունը: Քրեական օրենսգրքում փոփոխություններ կատարելու նախագծում նշվում է, որ ծառայության մեջ գտնվող պաշտոնյային զրպարտելը կամ վիրավորելը նախատեսում է մինչև կես մլն դրամ տուգանք, իսկ նույն արարքը կրկնելու դեպքում՝ մինչև երեք մլն դրամ տուգանք կամ ազատազրկում:
Հիշեցնենք, որ Հայաստանի Հանրապետությունը դեռևս 2008 թվականին, եվրոպայի հորդորով, ապաքրեականացրեց իշխանության ներկայացուցչին վիրավորելու արարքը:
Հայաստանը ժողովրդական բաստիոն հռչակած քայլիստները այն արագ տեմպերով տանում են բռնապետություն, ինչպես ասում են՝ Բարի գալուստ Հյուսիսային կորեա: Չկա դեմոկրատ մի երկիր, որտեղ պաշտոնյային վիրավորելը լինի քրեականացված, իսկ քաղաքացուն վիրավորելը՝ ոչ: Փոփոխությունների նպատակը պարզ է՝ դավաճան ու հողատու իշխանություններին ընդդիմադիրների կողմից հնչող վիրավորանքներից զերծ պահելն է, ինչը հատկապես անկառավարելի է դարձել պատերազմից հետո:
«Իմ քայլի» պատգամավոր Նիկոլայ Բաղդասարյանը, հարցին՝ ինչո՞ւ է պաշտոնյաների և շարքային քաղաքացիների միջև խտրականություն դրվում, որոնք, վարչապետի բնորոշմամբ, երեք միլիոն վարչապետերից մեկն են, պատգամավորը պատասխան չունի։ Ասում է՝ նախագիծն ինքը չի հեղինակել: Ինքը չի հեղինակել, բայց կասկած չկա, որ վաղը իր անադեկվատ ղեկավարը՝ երկրի վարչապետը խորհրդարան ուղարկի մի նախագիծ, որով կարգելի մեզ շարքային քաղաքացիներիս նույն օդը շնչել, որն իրենք են շնչում, ապա ուսապարկերի այս խմբակը սիրահոժար կսեղմի իր առջեւ դրված կոճակը եւ իրականություն կդարձնի բռնապետի խելքին փչող ցանկացած անհեթեթություն:
Նոյեմբերի 9-ի խայտառակ կապիտուլյացիոն փաստաթղթի ստորագրումից հետո օրեր շարունակ բունկերից բունկեր վազող ու այնտեղից լայվեր անող Նիկոլ Փաշինյանին թվում է՝ ինքն իր դիրքերն ամրապնդել է այնքան, որ կարող է արդեն զբաղվել այն գործով, որն ամենից շատն է սիրում, ու ինչն իր մոտ ամենալավն է ստացվում՝ ընդդիմադիր գործիչների որս՝ իրավական բեսպրեդելի կիրառմամբ եւ խոսքի ազատության սահմանափակում:
Մեկը մյուսի ետեւից այս ամենին ուղղված օրենսդրական նախաձեռնություններ են հրապարակ իջեցվում: Հողատու դավաճանին թվում է, որ ինքը կարող է Հայաստանի առնվազն կեսին ձերբակալել, մյուս կեսի բերանն էլ տուգանքներով ու ձերբակալությամբ փակել:
Անի Սահակյան
Հետևեք մեզ Viber-ում
