Այս հաղթանակը մեզ ոչինչ չի տալիս. ավելի դժվար խաղ է լինելու. Հենրիխ Մխիթարյան
«Սենթ Քիթս և Նևիսն այդքան էլ բարձրակարգ թիմ չէ:Չէի ասի, թե բարձրակարգ մրցակից էր, բայց լավ էր, որ փորձում էինք խաղալ արագ, գրոհները եզրափակել արագ: Մեզ համար այնքան կարևոր չէր շատ գոլ խփել, կարևոր էր ճիշտ խաղալ, ինչը պետք է Մոնտենեգրոյի հետ խաղի համար»,- Սենթ-Քիթս և Նևիսի հետ ընկերական խաղից հետո լրագրողների հետ զրույցում ասաց Հայաստանի հավաքականի ավագ Հենրիխ Մխիթարյանը: «Հաղթանակը մեզ ոչինչ չի տալիս:Մարդիկ կարծում են, որ այս հաղթանակը մեզ շատ բան է տալիս, բայց իրականում ոչինչ չի տալիս, քանի որ պետք է այս խաղից հետո վերլուծել, տեսնել որտեղ ենք լավ խաղացել, որտեղ՝ վատ: Այսօր կային լավ բաներ ու վատ բաներ, պետք է Մոնտենեգրոյի հետ խաղին ավելի պատրաստված լինենք»,-նշեց նա: Հենրիխ Մխիթարյանը նշեց, որ առաջիկայում կայանալիք Մոնտենեգրոյի դեմ խաղը հեշտ խաղ չի ստացվելու: «Ժամանակ կա, փորձելու ենք հնարավորինս լավ պատրաստվենք: Չի լինելու այն խաղը, որը եղավ Հայաստանում, ավելի դժվար խաղ է լինելու, ավելի հետաքրքիր խաղ»,-նշեց նա:
Հետևեք մեզ Viber-ում
