Հակառուսականությունը նոր թափ է առնում. սորոսականները կիսատ ծրագիրն են կյանքի կոչում

44-օրյա ավերիչ պատերազմից հետո էլ Նիկոլ Փաշինյանը փորձում է իրեն այս ճամբարից այն ճամբարը գցել. մե՛կ սիրաշահում է Ռուսաստանին, մե՛կ՝ Արեւմուտքին ու Բայդենի նորընտիր վարչակազմին, բայց մեծ հաշվով Հայաստանում կրկին մոլեգնում են արեւմտյան, ավելի կոնկրետ սորոսական հոսանքները: Ռուսաստանի միջնորդությամբ 44-օրյա աղետը կանխելուց հետո թվում էր, թե մեր թերհաս իշխանությունները կվերանայեն իրենց արկածախնդիր վերաբերմունքը դաշնակից պետությունների նկատմամբ, թվում էր, թե Ռուսաստանի ետ գործակցությունն այլեւս երբեք չի զիջելու իր դիրքերը, հատկապես, որ պատերազմի օրերին եվրոպան առանձնակի սառնասրտությամբ աչք փակեց մեր երկրի հետ կատարվող սարսափի նկատմամբ, երբ 21-րդ դարում մարդկության դեմ կիրառվեցին չթույլատվող զենքեր՝ ֆոսֆորային ու կասետային դիսկեր, իսկ երկնքից թափվող այդ կրակը որեւէ վայրկյան չհուզեց ժողովրդավարության, մարդու իրավունքների իբր պաշտպան հանդիսացող Եվրոպային:
Սակայն արիուտես, որ դավաճան թերհասները կատարվածից դասեր չեն քաղել, եւ շատ փորձագետներ են նկատում՝ հակառուսականությունը գլուխ է բարձրացնում:
Նիդերլանդներում ՀՀ արտակարգ և լիազոր դեսպան Տիգրան Բալայանի` Weekblad Elseveir պարբերականին տված հարցազրույցը, որում նա դրական է գնահատել Արևմուտքի կողմից Նավալնու հարցով պատժամիջոցների սահմանումը, թեեւ փորձեցին լղոզել, ասելով, որ իրականում կոնտեքստից կտրված է այդ արտահայտությունը: Սակայն մենք չտեսանք դեսպանի եւ ՀՀ արտգործնախարարության կողմից որեւէ բողոքի նոտա: Եթե որեւէ պարբերական, իսկապես, կոնտեքստից կտրել էր դեսպանի խոսքերը՝ չգիտակցելով, որ դրանով լուրջ վտանգի տակ է դրել հայ-ռուսական դաշնակցային հարաբերությունները, ապա ստացվում է, որ մերոնց էլ ձեռք է տվել, որ հենց այդպես էլ տարածվի: Ի դեպ, Տիգրան Բալայանը ՍԴ նախկին դատավոր Կիմ Բալայանի որդին է, ով կապիտուլացիայի խայտառակ փաստաթղթի ստորագրումից հետո կառավարության շենքի առջեւ մեկ շաբաթից ավելի նստացույց արեց՝ ի նշան բողոքի:
Պատահական չէ, որ ռուսական thisnews.ru պարբերականն այս դեպքից հետո «Ահա եւ դաշնակիցները․ Հայաստանը ողջունում է ՌԴ-ի դեմ պատժամիջոցները» վերնագրով մի վրդովված նյութ է տպագրում։ «Ռուսաստանը, փրկելով Հայաստանին Լեռնային Ղարաբաղում տոտալ ջախջախումից, չէր սպասում, որ երեկվա դաշնակիցն այդքան արագ ու այդքան բացեիբաց կդիրքավորվի հակառուսական դաշտում։ Բարեկամության եւ բարիդրացիական հարաբերությունների բոլոր վստահեցումները վայրկենապես հօդս ցնդեցին՝ ցույց տալով երևանյան իսթեբլիշմենթի իրական դեմքը՝ իր դաշնակցային պարտավորությունների մասով»,- գրել է վրդովված հոդվածագիրը։
Վրդովմունքի ալիքին միացել են նաև նախկին զինվորականները։ Պահեստազորի գնդապետ, «Комсомольская правда» թերթի ռազմական մեկնաբան Վիկտոր Բարանեցն ընդգծել է, որ Հայաստանի հակառուսական հայտարարությունները կարող են նրան զրկել Ռուսաստանի աջակցությունից։
Վիկտոր Բարանեցը հիշեցրել է, որ որոշ ժամանակ առաջ Հայաստանը բացեիբաց հրաժարվեց ռուսական սպառազինությունից ու դա այն դեպքում, երբ հանդիսանում է Ռուսաստանի ռազմաքաղաքական դաշնակիցն ու ՀԱՊԿ անդամ։ Ըստ նրա, Մոսկվան պարտավոր է նման իրավիճակում հետևություններ անել, և պետք է հրաժարավի դաշնակցի պարտավորություններից, ընդհուպ մինչև ռուսական ռազմաբազան Հայաստանից դուրս բերելը։ Եւ որքան էլ զարմանալի է, բայց այս հրապարակմանն էլ ՀՀ ԱԳՆ-ն որեւէ կերպ չանդրադարձավ: Դրա փոխարեն Հայաստանում ամեն օր սորոսականների նախաձեռնությամբ նոր ծրագրերի մասին է խոսվում: Երեկ օրինակ ՀՀ արտարադատության նախարար Ռռուստամ Բադասյանը սորոսական ՀԿ-ների ներկայացուցիչների մասնակցությամբ քննարկում էր դատական համակարգի բարեփոխումների հարցը: Իշխանության այս վարքագիծը խոսում է մի բանի մասին, որ Ննիկոլ Փաշինյանն ու իր թիմը Հայաստանում իշխանության են բերվել արեւմտամետ ապազգային ուժերի կողմից եւ անգամ պատերազմից հետո մեր երկրում դասեր չեն քաղում ու շարունակում են կիսատ թողած գործը:

Անի Սահակյան