Թուրքական ընկերությունը ռադիոակտիվ նյութեր է բաց թողնում Իրաք

RIA Novosti-ի փոխանցմամբ՝ Իրաք հասած ռադիոակտիվ նյութերի պահպանման համար պատասխանատու է եղել թուրքական ընկերությունը, պնդում է ամերիկյան Weatherford նավթային ընկերությունը: Իրաքի շրջակա միջավայրի պահպանության նախարարության տվյալներով՝ «ծայրահեղ վտանգավոր» ռադիոակտիվ նյութը ամերիկյան Weatherford ընկերության պահեստից դեռևս նոյեմբերի վերջին է անհետացել: «Weatherford-ը ոչ մի պատասխանատվություն չի կրում այդ գործով, քանի որ մեզ չի պատկանում, մենք չենք ղեկավարում և մենք չենք վերահսկում աղբյուրը կամ պահեստը, որտեղ այն պահպանվում էր»,- ասված է ընկերության հայտարարությունում: «Պահեստի և աղբյուրի ղեկավարը SGS ընկերությունն է, որը լիակատար պատասխանատվություն է կրում այդ հարցի լուծման համար»,- ընդգծում է ամերիկյան ընկերությունը: SGS ընկերությունը գտնվում է Ստամբուլում և զբաղվում է նավթային ենթակառուցվածքների ստուգումով: Իրաքի ուժայինները վախենում են, որ ԴԱԻՇ-ի ահաբեկիչները կարող են օգտագործել այդ նյութը այսպես կոչված «կեղտոտ ռումբեր» պատրաստելու համար: