Արտակարգ դեպք Շիրակի մարզում. Լմբատավանքի եկեղեցու տարածքում 22-ամյա քաղաքացին փորձել է ինքնասպան լինել

SHAMSHYAN.com-ի տեղեկություններով՝ երեկ՝ հունիսի 2-ին, արտակարգ դեպք է տեղի ունեցել Շիրակի մարզում։ Ժամը 17։40-ի սահմաններում «Արթիկ» բժշկական կենտրոնից ոստիկանության Արթիկի բաժին հայտնել են, որ Լմբատավանք եկեղեցու տարածքից իրենց մոտ բուժօգնության է տեղափոխվել մի քաղաքացի։ Ինչպես հայտնում է ֆոտոլրագրող Գագիկ Շամշյանը, հիվանդանոց են մեկնել ոստիկանության Արթիկի բաժնի օպերատիվ խումբը, ովքեր պարզել են, որ տեղափոխվածը Արթիկ քաղաքի բնակիչ՝ 22-ամյա Հայկարամ Վարդապետյանն է։ Վերջինս եկեղեցու բակում փորձել է ինքնասպանություն գործել էլեկտրասյունից հակի թելով կախվելու միջոցով։ Բարեբախտաբար, այդ ամենը կանխվել է քաղաքացիների կողմից։ Գ. Շամշյանի տեղեկություններով՝ Հ. Վարդաետյանը տառաում է «օրգանական ծագման էմոցիոնալ կայունության խանգարում, ագրեսիվ վարք» հիվանդությամբ ու փորձել է ինքնասպան լինել, քանի որ չի ցանկացել ապրել ծնողների հետ։ Փաստի առթիվ Հայաստանի քննչական կոմիտեի Շիրակի մարզային քննչական վարչության Արթիկի քննչական բաժնում նյութեր են նախապատրաստվում։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: